Estis anoncita la rezulto de elektado de projektoj por instalajhoj por la Pekinaj Olimpikoj de 2008, kaj usona kompanio Sasaki gajnis la unuan premion kune kun china projekta kompanio Huahui en Tianjin per la projekto de la Olimpika Parko de Pekino kaj gajnis sola la duan premion pro la projekto por la Kultura kaj Sporta Centro de Wukesong. Al la unua premio de tiu kategorio mankas gajninto.

    Organizanto de elektado de projektoj ricevis 57 projektojn por la parko kaj 34 projektojn por la centro. La jughkomitato konsistis el 13 membroj, inter kiuj estis 6 fremdlandanoj kaj 7 chinoj inkluzive de reprezentantoj de la organiza komitato de la 29-aj Olimpikoj, famaj projektistoj, erudiciuloj kaj kompetentuloj pri la funkciado de la organizo de Olimpikoj. De la 11-a ghis la 14-a de julio la komitato faris komparadon pri la projektoj por la du kategorioj kaj faris plurfojan balotadon por decidi premiitojn.

    Al la projektoj por la Olimpika Parko oni postulis jenajn enhavojn: La dispozicio de funkcioj devas plene kontentigi la bezonon de Olimpiaj Ludoj, akcenti longtempan kaj organikan kreskon de la urbo kaj esti utila al longtempa disvolvigho de la urbo, kaj devas enkorpigi ekologian kaj mediprotektan koncepton; la trafika sistemo kaj la projekto por trafika organizo devas esti utilaj kaj en kaj post la ludoj, kaj la konstruado de publika trafika sistemo devas esti emfazita; la tridimensia stato devas enkorpigi la trajton de Pekino kaj akcenti la specialan signifon de la centra akso...

    La projekto “Akso de Sukceso de la Homa Civilizacio” kune ellaborita de la la usona kompanio Sasaki, la gajninto de la unua premio de projekto por la pekina Olimpika Parko, kaj la Inghenieria-Projekta Kompanio (Limigita) Huahui de Tianjin estis difinita kiel la efektivigota plano por la pekina Olimpika Parko — la konstrua bazo de sportejoj de plej granda skalo. La projekto por la Olimpika Parko estos profundigita surbaze de tiu projekto, kaj ankau arkitektoj de Sasaki-kompanio estos invititaj al tiu laboro. Sasaki estas fama usona arkitektura kompanio kompetenta en projektado de pejzaghoj fondita de Sasaki, japandevena usona arkitekto. S-ro Sasaki iam estis dekano de la Ghardenistika Fakultato de Harvard-universitato.

    Lau la projekto ellaborita de la usona kompanio Sasaki kaj la kompanio Huahui de Tianjin, che la ekstremo de la etendita norda parto de la akso oni konstruos 2.3-kilometran “Miljaran Promenejon” kun monto kaj akvo kiel la fino. Ambauflanke de la promenejo estos sportraj instalajhoj. En la “Miljara Promenejo” estos montrata la civilizacio de la china nacio inkluzive de memorigaj figuroj kaj konstruajhoj por diversaj dinastioj. La norda lago sin ligas kun la Olimpika Kanalo oriente de la akso kaj kune formos grandegan akvan drakon kaj rigardas simetrie al la lagoj Shicha kaj Zhongnan okcidente de la akso en la centro de la antikva urboparto de Pekino.

    Krome oni projektos oblikvan akson interligante la Olimpikajn sportejojn kaj shtatajn stadionojn kaj krucos ghin kun la centra akso kaj kondukos ghin al Yanshan-montaro. La projekto estos aprobita pro tio, ke ghi kontentigos la bezonon de la Olimpikaj Ludoj, utilos al poparta konstruado kaj konformos al la bezono de disvolvigho de la urbo por malproksima estonteco. Portempe projekto por la alia bazo por grandskalaj Olimpikaj sportejoj — La Kultura kaj Sporta Centro de Wukesong — ankorau ne estis decidita.

    La 14-29-an de julio oni eksponis en la Pekina Internacia Ekspona Centro 87 projektojn de arkitektoj de 15 landoj kaj regionoj kaj 50 mil homoj vizitis la ekspozicion, meznombre chiutage 4000 homoj. Konsiderante pri kreskanta nombro de vizitantoj, la eksponanto longigis la montradon je 3 tagoj.

    Dekono de la vizitantoj balotis por elekti la shatatan projekton. La projekto de Sasaki-kompanio kaj Huahui-kompanio de Tianjin gajnis 1309 balotilojn. La projekto por la Kultura kaj Sporta Centro de Wukesoang prezentita de la Pekina Urbaniza kaj Arkitektura Instituto kaj la kanada projekta kompanio ABCP gajnis 971 balotilojn.

    La intereso kaj entuziasmo de la publiko por la projektoj de Olimpikaj sportejoj superis la atendon de la organizantoj. Multaj vizitantoj donis konsilojn kaj 1200 vizitantoj skribis siajn opiniojn sur memorlibro de la ekspozicio.