Skize pri la Vintraj Olimpikoj de la Sallaga Urbo de Usono

Dato: de la 8-a ghis la 24-a de februao de 2002

Loko: Sallaga Urbo kaj ghiaj najbaraj urboj Ogden, Peaks, Shebo kaj Provo

Invitanto: La Organiza Komitato de la Sallaga Urbo por la 19-aj Vintraj Olimpikoj

Emblemo kaj simboloj: La emblemo estis projektita la 29-an de augusto de 1997. La simboloj estis tri plushaj bestetoj leporo Negho, lupido Kupro kaj nigra urso Karbo. La tri bestetoj en indiana mito estas tre shatataj de la publiko, kaj ili simbolas richighon dank' al negho, kupro kaj karbo de la usona shtato Utaho.

Chinaj sportistoj atingis la Sallagan Urbon

    La lasta grupo da chinaj sportistoj gvidata de Li Furong, vicestro de la Ghenerala Sporta Buroo de Chinio, atingis la Sallagan Urbon nokte de la 6-a de februaro de 2002. Ambasado kaj chinaj elmigrintoj en la urbo varme bonvenigis ilin.

    Li Furong diris: "Chiuj chinoj kaj chinaj elmigrintoj inkluzive de tiuj en Usono tre zorgas nian sportistan delegacion kaj multe esperas. Ni preparis nin 4 jarojn kaj la sportistoj faris grandan penadon kaj multe progresis en tiuj disciplinoj. Ni daure penados por atingi altan nivelon kaj bonajn sukcesojn."

    Tio estis la 7-a partopreno de chinaj sportistoj en Vintraj Olimpiaj Ludoj. Chi-foje alvenis 72 sportistoj. Ili partoprenis en konkursoj de 36 disciplinoj de 7 branchoj.

La unua ora medalo gajnita de china sportisto

    De 1980 ghis antau la chi-foja konkurso, chinaj sportistoj gajnis 10 arghentajn kaj 4 kuprajn medalojn en Vintraj Olimpiaj Ludoj. Por ora medalo de vintra konkurso la chinaj sportistoj havis multe da doloraj memoroj. Li Jiajun estis superita de Kim Tong-song je duona futo, Yang Yang (A) malvenkis pro hazarda neglekto, Wang Chunlu estis trafita de artifiko de la rivalo¡­ tiuj okazajhoj skribis tragedian historion de la chinaj sportistoj sur negho kaj glacio. Sed kiel malfacile estas superi je coloj en la fulmrapida glitado kaj shanghighema konkurso!

    En la chi-foja vintra konkurso la kurtdistanca rapida sketado, duopa arta sketado kaj liberstila virina aera arto estis sufiche fortaj por efektivigi la esperon akiri oran medalon. La tuta lando fokusigis sian atenton sur ilin.

Knabino skribinta la historion per sketshuojn

    50 minutojn post la 11-a horo de la 17-a de februaro, 26-jara fraulino YangYang (A) gajnis oran medalon en la konkurso de la 500-metra rapida sketado per 44.187 sekundoj. Tio estis la unua ora medalo por Chinio tiuflanke.

    La rugha kvinstela flago hisighis en la impona nacia himno de Chinio. Starante sur la podio por premiata gajninto, Yang Yang (A) facile elspiris, ke finfine defalis la giganta shtono premanta 22 jarojn sur la brusto de la chinaj sportistoj de kelkaj generacioj. En tiu momento realighis ilia revo.

    En 1983 8-jara Yang Yang (A) venis al subchiela sketejo che la norda landlimo de Chinio. Shi estis interesata de la blanka sketejo. Shi postlasis multe da piedsignoj en la Sporta Lernejo de Geknaboj kaj la Sportista Tachmento de Harbin (chefurbo de Heilongjiang-provinco de nordoriento de Chinio). En 1995 shi farighis membro de la Shtata Kurtdistanca Rapidsketa Teamo. En 1997 shi akiris por si la unuan mondan championecon kaj de tiam shi akiris 108 medalojn. Shi gajnis la virinan individuan chiurondan titolon de la mondo en 5 sinsekvaj jaroj.

    Tiu chichina unua gajninto de ora medalo en vintraj olimpiaj ludoj chiutage venis tre frue al la trejnejo kaj la 111.12-metra arghenta sketejo estis "lulilo" por efektivigo de shia revo. Shi ne nur plenumis la difinitan trejnadon en bona kvalito, sed ankau plifortigis trejnandon por si. Post trejnado shi lacighis, kvazau shia ostaro disfalus, kaj ofte kushis sur la trejnejo kaj ne volis restarighi. En periodo de plej laciga trejnado shi malpezighis je dekkelke da ghin-oj (2 ghin-oj egalas 1 kilogramon). Kiom oni penas, tiom oni rikoltas. Post kelke da jaroj shi farighis la absoluta chefrolulo de la shtata sketa teamo.

    Por shia patrino, Yang Yang (A) estas firma knabino. La patrino diris, ke shi neniam vidis shin ploranta. Sed post la konkurso en la 17-a, la fera knabino ploris, sed shi ploris pro ekscitigho, felicho kaj ghojo.

La China Olimpika Komitato invitas la Vintrajn Olipikojn de 2010 en Harbin

    La China Olimpika Komitato lastatempe oficiale prezentis sian peton inviti la Vintrajn Olimpiajn Ludojn de 2010 en la china urbo Harbin. Jam antau la 4-a de februaro la komitato kaj la magistrato de Harbin prezentis la peton al la Internacia Olimpika Komitato.

    Post la sukcesa gastigado de la Triaj Aziaj Olimpiaj Ludoj en 1996, Harbin sin okupis per preparado por inviti la Vintrajn Olimpiajn Ludojn. En 2000 oni faris rezonadon pri la ebleco de la invito. La China Olimpia Komitato aprobis, ke Harbin estu la sola urbo de Chinio invitanta la 21-ajn Vintrajn Olimpiajn Ludojn de 2010, kaj rekomendis la urbon Harbin al la Internacia Olimpika Komitato.

    Oni raportis, ke eble Jaca de Hispanio, Berno de Svisio, Kangwon-Do de Koreio, Salzburgo de Austrio, Sarajevo de Bosnio-Hercegovino kaj Vankuvero de Kanado sin anoncis por inviti la Vintrajn Olimpiajn Ludojn. La 4-a de februaro estis la limdato por sinanonco por la invito.

    En la 10-a de februaro la delegacio de Heilongjiang-provinco (kun Harbin kiel la chefurbo) flugis al la Sallaga Urbo por partopreni en la interkonsiligha kunveno okazigita de la Internacia Olimpika Komitato por la invitantaj urboj.