En la 3-a de decembro 2001 Sun Haibin, china junulo el la Xinjiang-a Ujgura Autonoma Regiono, kaj Huang Siyuan, knabo el Danlando, plenumis per jaktovojaghon de 4800 kilometroj kaj atingis Barbadoson en la Kariba Maro. Antau 57 tagoj ili komencis la vojaghon de Tenerifo de Hispanio. Sun Haibin farighis la unua chino, kiu transpasis Atlantikon en konkurso de Wode Aiwensi sen helpo de motoro.

    La rem-konkurso aperis en 1997 kaj okazas en chiu kvara jaro. Jam 69 personoj sukcesis en la konkurso kaj oni nomas ghin "la plej malfacila sporta konkurso". Huang Siyuan povas paroli en la china lingvo kaj havas privatan konsultighan kompanion en Hongkong. En libera tempo li shatis diversajn aventurajn sportojn. Informighinte pri la konkurso, li fermis sian kompanion kaj serchis chinan kunulon. Poste li konatighis kun Sun Haibin, china sportisto de triatlono kaj lernanto de la China Sporta Universitato. Ili decidis partopreni la konkurson.

    Antau la konkurso ili preparis 230 kilogramojn da manghajhoj kaj 100 litrojn da trinkakvo por uzo sur la jakto. Dum la navigado ili renkontis diversajn malfacilojn: fajrilo ne funkciis kaj tio malhelpis manghofaradon; fenestro de jakto falis kaj marakvo kaj pluvo eniris en la kajuton; ili plenforte remis, sed movo de la jakto malrapidighis. Ili preskau disfalis kaj poste trovis, ke al la fundo de la jakto estas alkrochita mara estajho. Post forigo de la obstaklo ilia jakto iris sekure. Dum 57 tagoj ili alterne remis 12 horojn chiutage, kaj ilia postajho plenplenis de pustuloj, kiuj baldau putrighis, pro trempigho en marakvo. Poste ili trovis ledan kusenon kaj mildigis sian doloron. Kiam ili surbordighis, iliaj kalaj manoj ech ne povis pugnighi.

    Memorante la travivajhon dum la 57 tagoj en Atlantiko, Sun Haibin ekscitighis. Ili ne nur bezonis firman volon kaj kuraghon, sed ankau devis venki solecon sur la oceano. Pro kultura diferenco inter la Oriento kaj Okcidento ofte estas malsukceso de kunlaboro por tia konkurso, sed ili povis venki chion per reciproka cedemo, toleremo, komprenigho kaj kuraghigo. Tiu sperto estas valora kaj neforgesebla por ili.