Lerteco en fishkaptado

    Heghe-oj vivas che rivero kaj havas richan sperton pri fishkaptado. Ili bone konas sezonon, lokon, metodon kaj instrumenton de fiskaptado. Ilia kapablo de fishkaptado havas bonan reputacion en la lando.

    Por fishkaptado heghe-oj uzas forkon, hokon kaj reton. Fishforko havas malmunteblan kaj nemalmunteblan stangojn. Forkinte la fishojn, la kapo de la malmuntebla stango povas esti deprenita kaj shnuro de la kapo povas tiri la fishon por malhelpi ghian forkuron. La malmuntebla stango havas ankau grandan forkan kapon, per kiu oni povas kapti fishon duontunan. Fishhoko estas ofte uzata en printempo, autuno kaj vintro. Malsamajn fishojn oni kaptas per malsamaj hokoj. Al shnurego en longeco de 40-50 metroj oni ligas 300 rapidajn hokojn, kaj chiufoje cheno da fishoj povas esti kaptitaj per tiaj hokoj. En fishkapta sezono la tuta heghe-a familio iras kapti fishojn kun manghajhoj kaj fishkaptiloj. Per pli ol 10 retoj interligitaj oni povas kapti 5 tunojn da fishoj unufoje.

    Vintre heghe-oj kaptas fishojn en dometo, kiu konstruighas sur la glacia rivero. En la dometo ili fosas sur la glacio kavon de 1 kvadrata metro. En la dometo estas mallume, sed sub la glacio klare. Se fishoj alnaghas la kavon, ili povas esti facile forkitaj. Per la metodo heghe-oj ofte kaptas pli ol tunon da fishoj duontage. La fishoj estas fridigitaj en naturo kaj transportitaj al diversaj lokoj.

Bongusta fisha festeno

    Heghe-oj shatas frititan au kuiritan manghajhon el milia au maiza faruno kun seka pulvorigita fisha viando. En festo ili preparas fishan festenon. Ghiauzi-o kun hakita fisha viando kaj pladoj el salmo estas iliaj tradiciaj manghajhoj.

    Heghe-oj havas ankau kutimon manghi nekuiritan fishon. Ili manghas ne nur ghiajn viandon kaj frajon, sed ankau ghiajn kartilagon kaj hauton. La plado de nekuiritaj fishstrioj miksitaj kun zingibro, askalono, ajlo, vinagro kaj salo ege bongustas. Laudire la manghajho estis heredita de bela kaj sagha heghe-a novedzino. Foje shia bopatro postulis, ke shi kuiru fishon, aspekte nekuiritan, sed fakte mangheblan. Shi do elektis du freshajn karpojn, tranchis la viandon en striojn kaj metis ilin en vazon. Marinite en vinagro, la fishoj estis kovritaj per la fishauto rostata sur fajro kaj senigitaj je skvamoj. Gustumante la pladon, chiuj laudis ghin. De tiam la plado heredighas de generacio al generacio.

    Nun oni ofte vidas, ke heghe-oj kantante manghas nekuiritajn fishpecojn sur shipo.

Bela vesto el fisha hauto

    Heghe-oj havas ankau kutimon fari veston el fishhauto. Tia vesto de heghe-oj prezentas ilian kapablon utiligi naturon kaj akomodi sin al medio.

    Fishhauta vesto estas farita el hipoftalmichto (Hypophthalmichthys molitrix), karpo au salmo. Ghi, ghenerale longa estas portata chefe de virino. Ghi similas al china robo, tre vasta. Ghia rando estas ornamita per brodajho au kupraj sonoriletoj. Estas fishhautaj pantalonoj vira kaj virina. La krurumo de vira pantalono havas nigran randon. La fishhauta vesto defendas kontrau frosto en vintro, kaj protektas kontrau akvo en printempo au autuno.

    Sed nun tia vesto de heghe-oj ekzistas nur kiel artajho sekve de altigho de vivnivelo.