En
Fugong de nordokcidenta Yunnan-provinco vivas Lisu-nacianoj. Ili fiere nomas sin
"mastroj de la tri riveroj", char ili vivas en la basenoj de la tri
paralelaj supraj partoj de la riveroj Jinsha, Lancang kaj Nujiang. Tie vivas ch.
200 mil Lisu-nacianoj, du kvinonoj de la totala nombro de la nacianoj. La aliaj
Lisu-nacianoj loghas en aliaj lokoj de Yunnan-prov. kaj iuj gubernioj de Sichuan-prov.
Prospera
foiro
Lisu-nacianoj kaj alinacianoj tre shatas
viziti foiron por vendi siajn metiartajhojn kaj acheti iajn necesajhojn, au renkontighi
kun parencoj kaj amikoj por kune drinki.
La stratoj
estas malplenaj, kiam ne okazas foiro. Sed en foiraj tagoj la butikoj frue malfermighas
kaj oni metas antau la pordo longan tablon kaj plenkovras ghin per diversaj varoj.
Foiro
por montanoj estas festo. Antauvespere ili faras sian planon de vendado kaj achetado.
Ili foriras en antaudifinita horo post kalkulo lau la distanco inter la hejmo
kaj foirejo. Ili pretigas por si ankau dorskorbon en grandeco konforma al ilia
forto. En la montaro la trafiko estas malfacila, kaj oni transportas varojn chefe
per si mem kaj tirbestoj.
Vendantoj de viando unue
buchas brutojn hejme au frue pelas la brutojn al la foiro kaj buchas ilin en senhoma
loko. Vendantoj de kokoj kaj porkidoj vendas ilin en plataj korboj. Sur la stratoj
oni povas vidi bonorde vicigitajn korbojn kun kokoj kaj porkidoj. Achetantoj ne
bezonas pagi por la korboj.
Virinoj de Lisu-nacio
venas al foiro en belaj vestoj. Ili shatas diverskolorajn vitrajn bidojn, blankajn
konkopecojn kaj garnajhojn por ornami la bruston de la vesto. La nombro de konkopecoj
markas richecon de la portantoj. Iuj virinoj shatas ornami sian chapon per bidoj
kaj malgrandaj konkopecoj. En foiro oni vendas chefe metiartajhojn inkluzive de
malgranda bambua bushmuzikilo kaj granda arbalesto.
Virinoj
de Lisu-nacio portas infanon en longa bambua korbo surdorse. Ili portas sian infanon
en la korbo kaj en foirovizitado kaj en kamplaboro, kaj kiam ili volas mamnutri
la infanon, ili movas la korbon antau la bruston.
Novjara Festo
La
kalendaro de Lisu-nacio havas dek monatojn inkluzive la floradan, birdokantan,
rikoltan kaj novjaran. La nombroj de tagoj de la monatoj estas malsamaj, kaj la
Novjara Festo ne havas fiksan daton. Daton de la Novjara Festo decidas patriarkoj
de la vilaghoj post observado de la naturaj fenomenoj. Sed la lasta tago de la
jaro nepre devas esti nokto sen luno.
La Novjara
Festo de la nacio dauras 7-9 tagojn. La nacianoj intervizitas, reciprokas donacojn,
kolektighas por drinkado, kantas kaj dancas. La gaja bruo dauras de mateno ghis
vespero. Lisu-nacianoj shatas diri: "Salon oni ne povas ne manghi, kanton
ne povas ne kanti." Ilia vivo estas strikte ligita kun kantado. Ili interkonatighas
kaj kolombumas per kantado. Ili kantas en bonvenigo kaj adiauo al gastoj kaj en
edukado al la infanoj. Ili kantas ech en pacigo de konfliktantoj. Kanto farighis
dua lingvo de la nacio. Parto de la tekstoj de kantoj estas heredataj kaj pli
multaj tekstoj estas improvizataj.
En la Novjara
Festo chiu familio faras rizbulojn el glueca rizo. La rizbuloj estas uzataj ne
nur kiel donaco au regalajho por gastoj, sed ankau kiel celo de konkurso de arbalestopafado.
Arbalestopafado
estas tradicia ludo de Lisu-nacio. En festotagoj viroj junaj kaj maljunaj partoprenas
en konkurso de pafado. Sur placo che la vilagho oni starigas foston kaj pendigas
sur ghi rizbulon volvitan en bashoa folio. Oni pafas al ghi ekster 50 metroj.
Chiuj shatas tiun ludon, ech dekkelkjara knabo. La pafantoj ne reprenas la elpafitajn
sagojn, kaj kiu trafas plej multe, tiu akiros la rizbulon. La gajninto donacas
sian trofeon al la amatino. La knabino ne manghas ghin, sed invitas la junulon
al sia hejmo post kelkaj tagoj kaj bakas la rizbulon sur fajro por regali la junulon
en signo de amo.
La plej interesa kaj gaja amuzajho
estas "enterigo". Ambauborde de Nujiang-rivero sternighas strandoj el
fajna blanka sablo kaj en la Novjara Festo gejunuloj sin amuzas sur strandoj.
Antaue estis tia ludo: Fraulinoj prijughas la junulojn kantantajn kaj dancantajn
sur strandoj kaj elektas unu el ili por ataki. La fraulinoj faligas lin kaj tiras
lin en antautempe fositan kavon, kaj unu el la fraulinoj kovras liajn okulojn
kaj la aliaj prishutas lin per sablo. Ili shajnigas ploradon pro la enterigito.
La sagha junulo povas distingi lau la plorado, kiu estas lia amatino.
Lisu-nacio
estas denaske gaja. Ili shatas diri: "Plorante ni venis en la mondon kaj
ridante forlasos ghin."
Kostumo de Lisu-nacio
Vestoj
de virinoj de Lisu-nacio estas tre belaj. Estas du chefaj fasonoj: Unu estas kompleto
el jaketo, veshto kaj longa jupo ghis maleolo. La jupo havas tre multajn faldojn,
kaj oni nomas ghin "centfalda jupo". La alia estas tiu el jaketo, pantalono
kaj malgranda antautuko. La jaketo longas ghis la talio kaj butonumata en la mezo
de la brusto. Ofte oni ne butonumas. Sed en malvarmo oni premas per mano au bidoj,
konkoj k.a.
Vestoj de la viroj de Lisu-nacio estas
tre simplaj. Ilia jako el kanaba tolo estas senkoluma kaj kovras la genuojn. La
plenaghaj viroj shatas porti che la talio arbaleston kaj belan sagujon.
La
virinoj de Lisu-nacio shatas kap- kaj brustornamojn. La edzinighintaj virinoj
portas grandajn kuprajn orelringojn falantajn ghis la shultroj. Iuj portas chapon
ornamitan per koralaj pecoj kaj malgrandaj kupraj sonoriletoj. Ili shatas ankau
kolchenon el multkoloraj vitraj bidoj.
Rilata materialo: Lisu-oj