Rido kaj sano

de WA NA

   Rido estas esprimo de homo en bona humoro. Rido estas tre utila por la homa sano, tio estas nedubebla. Sed chio havas du flankojn, do ankau rido ne estas escepto.

Utiloj de rido

   Chinoj shatas diri: “Ofta rido junigas je 10 jaroj, dum chagreno frue grizigas la harojn.” Gaja humoro sanigas homojn kaj longigas la vivon.

   Antau pli ol 2000 jaroj chinoj jam montris, ke gaja spirito faciligas sangocirkuladon kaj fortigas vitalan energion, kio tre utilas al la sano.

    Fiziologia esplorado pruvis, ke rido donas jenajn utilojn:
   1. Ghi estas aparta sporta maniero, ke ghi estas saniga gimnastiko por la homa korpo.
   2. Ghi povas reguligi la nervojn, stimuli la movadon de la muskoloj, akceli sangocirkuladon kaj vigligi metabolon.
   3. Ghi rapidigas intershanghon de gaso en la homa korpo, elimini karbonan dioksidon kaj enpreni pli da oksigeno.
   4. Ghi altigas ekscitighon de simpataj nervoj, tial ridanta homo havas rughan vizaghon kaj sanan aspekton.
   5. Ghi fortigas ekscitighon de pneumogastraj nervoj, kio stimulas sekreciadon de digesta glando kaj movadon de digesta kanalo, eksciti apetiton kaj helpi digestadon kaj sorbadon.
   6. Ghi malstrechas la spiriton, nervojn kaj muskolojn, refreshigas la menson kaj forigas lacon.
   7. Ghi forpelas chagrenon, forigas aflikton, venkas solecon kaj splenon, reordigas la psikan aktivadon kaj vigligas la spiriton.

Kuraci malsanon per rido

   Virino en antikveco suferis de anoreksio kaj deprimo. Multaj doktoroj ne sukcesis resanigi shin. Fine eminenta doktoro venis kuraci shin. Post ekzameno li venigis du arlekenojn, ke ili kantu kaj dancu por la malsanulino. Shi ekridis. En la sekvanta tago li petis du knabojn distri shin kaj shi farighis gaja. En la tria tago li venigis du bonapetitajn virinojn por manghi kune kun shi. Dank’ al tio shi rapide resanighis kaj post nelonge naskis sanan bebon.

   De antikveco rido estas bona kuracilo por iuj malsanoj kaj la supre menciita kazo ne estis sola en la historio de Chinio.

Tabuo en rido

   Rido sanigas kaj kuracas, sed troa rido malutilas al sano. Ofte okazas, ke homoj abrupte mortis post troa ridado. Kaj en la antikva Chinio oni nomas tiun fenomenon “troa ghojo damaghas la sanon”.

    En la reala vivo ofte okazas tia afero, ke homo ridegis kaj subite svenis en troa ghojego pro efektivigho de deziro de multaj jaroj au neatendita akiro de richajho. Troa ghojego estas malutila al maljunuloj, char kadukighas la funkcioj de ilia korpo kaj facile okazas kardiovaskulaj malsanoj.

    En ridego ekstreme ekscitighas la simpataj nervoj, la surrena glando multe sekrecias kauzante kongeston tra la tuta korpo. Nefortaj homoj devas sin gardi kontrau ridego. Sube estas atentigoj por suferantoj de kelkaj malsanoj:
   1. Suferanto de hipertensio kaj arteriosklerozo ne devas ridegi, char tio kauzas vaskulan konstrikton kaj levighon de sangopremo, rapidigas korbaton kaj estigas cerban hemoragion kaj miokardian infarkton.
   2. Suferanto de cerba embolozo kaj cerba hemoragio en atako kaj konvaleskado ne devas ridegi, char tio kauzas recidivon au pliseriozighon de la malsano, kaj ech morton.
   3. Suferanto de miokardia infarkto ne devas ridegi, char tio seriozigas miokardian iskemion kaj kauzas korpaneon.
   4. Operaciito che torako, abdomeno, koro kaj vaskulo ne devas ridegi, char tio fortigas doloron, malfruigas rekunighon de la trancho kaj ech kauzas krevighon de la trancho.
   5. Suferanto de hernio ne devas ridegi, char tio grandigas premon en la abdomeno kaj hernion.
   6. Suferanto de malstrechigho de sfinktero de urina kanalo au anuso ne devas ofte ridegi, char tio grandigas premon en la abdomeno kaj kauzas nereteneblecon de urinado kaj fekado.
   7. Suferanto de ofta luksacio de malsupra makzelo ne devas ridegi, char tio kauzas deartikighon de makzelo.
   8. Oni ne devas ridegi dum manghado, char tiele oni facile inhalas pecetojn de manghajhoj, kio kauzas fortan tusadon, sufokighon kaj ech morton.
   9. Post mangho oni ne devas ridegi por ne kauzi apendiciton, gastrodilatighon kaj intestan tordighon.
   10. Gravedulino ne devas ridegi, char tio kauzas fortan konvulsion de la abdomeno kaj levighon de premo en la utero, kiuj facile kauzas aborton au antautempan akushon.

 

 

(C) China Internet Information Center   (China Interreta Informa Centro)
E-mail:
webmaster@china.org.cn   Tel: 86-10-68326688