Chiuj esperas, ke ilia vivo finighos
en paco kaj rideto, sed kiom da homoj ghuis tiun felichon?
Hospico
"Sankta Kristoforo", la unua en la mondo, estis fondita de brita doktoro en 1967.
Kiel sendependa fako, la hospica servo havas historion de nur 30 jaroj, sed ghi
vekis atenton vaste en la mondo.
Hospica servo estas
la plej profunda prizorgo al la vivo kaj digno de la homoj. Ghi zorgas ne nur
la korpon, sed ankau la animon de la malsanuloj. Per la organizitaj apartaj servoj
oni flegas malsanulojn, laueble mildigas ilian doloron, helpas ilin ghuste koni
la morton kaj malfortigas iliajn timon kaj maltrankviloghon pro la morto, por
ke ili povu ghui humanecan atmosferon en siaj lastaj tagoj kaj forlasi la homan
mondon en paco, trankvilo kaj digno.
Morto en rideto
Li
Songtang estis kuracisto en la kamparo. Li vidis multajn maljunajn malsanulojn,
kiuj dolore suferis de korpa kaj spirita turmentado pro la malsanoj. Li ekhavis
la ideon fondi hospitalon, kiu liveros helpon al maljunuloj mortontaj. En 1992
li fondis Songtang-hospitalon, la unua hospico en Chinio.
La
hospitalo akceptas maljunulojn suferantajn apopleksion kaj malfruperiodan kanceron.
En chiu chambro estas lito disponata de flegantino, kiu tagnokte servas. La flegantinoj
estas junaj kaj gajaj. Ili flegas la maljunulojn en iliaj lavado, razado, manghado
kaj neceseja afero. Ili masaghas la malsanulojn, konversacias kun ili kaj distras
ilin per rakontado kaj kantado. Krom kuracistoj tie laboras ankau 10 psikologiaj
doktoroj, kiuj faras psikan kuracon al la malsanuloj. La malsanuloj havas malsamajn
karierojn, kvalitojn kaj kondichojn, sekve ili havas malsamajn bezonojn. Do la
doktoroj kuracas ilin lau aparta maniero konfroma al chiu individuo.
La
principo de la hospitalo estas maksimume kontentigi la malsanulojn, ke ili forlasu
la homan mondon sen ajna bedauro. Familianoj de la forpasintoj estas dankaj al
la hospitalo. Iu maljunulo forpasis, kaj liaj 4 filinoj skribis al Li Songtang:
"Kiam ni akompanis nian patron ghis lia lasta momento kaj vidis, ke li foriris
en paco, nia koro estis plena de danko. Ni amas nian patron, sed ni estas okupitaj.
Vi ne nur flegis nian patron, sed ankau helpis nin. Ni esperas, ke pli multe da
malsanuloj povos trankvile fini sian vivon en via hospitalo."
Malfacila
situacio de hospica servo
La
socio evoluas kaj la homoj sentas pli kaj pli grandan premon. Oni ne havas sufichan
tempon kaj energion por flegi malsanajn familianojn. En la situacio de malsuficho
de malsanulaj litoj en la hospitaloj kaj la manko de tempo por familianoj flegi
malsanulojn, hospico estas bona elekto. Nun funkcias centoj da hospicoj en Chinio
kaj cent el ili estas kompare grandaj. Sed bedaurinde granda parto de la hospicoj
funkcias en malfacilo, ke iuj fermighis nelonge post la fondigho, aliaj funkcias
kun financa malfacilo kaj triaj ech falis en deficiton. Kial? Chinoj ne kutimighis
al la vorto "hospico", char oni tradukis ghin kiel "hospitalon por antaumorta
flegado". La chinoj ne shatas la vorton "antaumorta". "Antaumorta"? Chu tio ne
signifas malesperighon? Kruela vorto!
Enketo montras,
ke 70% de la maljunuloj preferas morti en sia hejmo. Hospico estas hospitalo,
sed ne hejmo. Malsanuloj senescepte deziras prizorgadon kaj flegadon de la familianoj
kaj parto de ili havas la tradician ideologion, ke gefiloj devas flegi kaj akompani
ilin ghis ilia lasta momento. Do, se iu konfidas sian maljunan patron au patrinon
al hospico, li sentas premon de la parencoj kaj amikoj, ke li ne estas bona filo.
Aliflanke, gheneraldire hospicoj fondighis sur
malforta ekonomia bazo, kaj la pago estas malpli alta ol tiu por ordinaraj hospitaloj.
Prenu la hospicon Songtang kiel ekzemplon. Antaue
multaj el la pacientoj estis shtatpagataj. Sed nun oni faras en Pekino medicinan
asekuron kaj la hospico Songtang ne estis enlistigita kiel hospitalo por pacientoj
alighintaj al medicina asekuro, do preskau neniu el tiuj malsanuloj vizitis ghin.
La direktoro de la hospico falis en maltrankvilighon. En la lastaj jaroj la hospico
akiris malmulte da mondonaco.
Tial hospicoj tre
deziras helpon de la koncernaj departementoj kaj filantropoj. Li Songtang diris,
ke nia lando havas Espero-fonduson (por helpi malrichajn geknabojn daurigi lernadon),
do kial oni ne establu maljunulan fonduson? Maljunuloj konsistigas 10.76% de la
totala loghantaro de Pekino. Se chiu pekinano donacas 1 juanon, oni povas kolekti
dek milionojn da juanoj. Kaj tiam Pekino havos sufichajn hospicojn. Nun ni jam
establis "Monkolektan Fakon por Hospica Servo de la China Maljunula Fonduso".
Li esperas, ke bonkoruloj donos helpon al la afero de hospica servo.
Hospica
servo, neevitebla temo
Malgrau
la malklara perspektivo de hospica servo, la koncepto de hospica servo vole nevole
influas nin. Unue ghi enkondukis en ordinarajn hospitalojn la ideon de hospica
servo. En 1988 la Medicina Instituto de Tianjin (unu el la plej grandaj urboj
de Chinio, proksime de Pekino) fondis la Esploran Centron de Hospica Servo, la
unuan en Chinio. Koncepto de psikologia prizorgo jam influis iujn medicinajn lernejojn.
En la Chefurba Medicina Universitato oni starigis la fakultativan kurson de hospica
servo. La kurso jam dauris 3 jarojn. Ankau en la Kunming-a Medicina Instituto
oni establis en 1999 la kurson de hospica servo kaj regule invitas d-ron Ma Ke
al lekcio, kiu iniciatis la hospican sekcion en la Tria Popola Hospitalo de Kunming.
Li Songtang kaj iuj aliaj personoj ofte lekcias
en universitatoj por helpi la studentojn starigi ghustan konon pri morto kaj la
koncepton "bone trakti la vivon".
Ankau entreprenistoj
kaj flantropoj partoprenis en tiu afero. La Fonduso de Le Jiacheng (richa komercisto
de Hongkong) establis en Shantou la unuan chinan ripozdomon por kanceruloj kaj
intencis fondi ankorau 15 ripozdomojn kunlabore kun hospitaloj en diversaj lokoj
de Chinio, inkl. 2 en Pekino, kaj unu el ili, sub la Pekina Kancerologia Hospitalo,
eklaboris en majo de 2000.
Disvolvighante la hospica
servo penis sin konformigi al la socio kaj multaj hospitaloj malakcentis la vorton
"antaumorta" kaj anstatauigis ghin per "prizorgo" k.s., dum ghia servo disvastighis
al flegado al pacientoj de kronikaj malsanoj kaj kadukuloj.
Post
nelonge eble aperos la tendenco, ke multaj el ni preferas pasigi sian lastan tempon
en hospico. Malaltigho de mortokvanto, longigho de la vivo kaj malaltigho de naskokvanto
faros Chinion maljunula lando. 10% de la chinoj aghas pli ol 60 jarojn kaj tiu
nombro kreskas en granda rapideco malofta en la mondo. La problemo montrighas
pli serioza en grandaj urboj. Lau statistiko en la fino de 2000, 1.88 milionoj
da pekinanoj, nome 14.6% de la totala loghantaro de Pekino, aghas pli ol 60 jarojn.
Kaj 34% de tiuj homoj ne vivas kune kun siaj infanoj. Prognozo montras, ke post
40 jaroj Chinio eniros en la kulminan periodon de maljunigho de la socio.