Adili
Wushouer estas 31-jara ujgura shnurdancisto de la nacia tradicia
akrobatika trupo. En 1997 li sukcese iris en 13'48" sur
kablo 640.75 metrojn longa, strechita super Qutang-gorgho de
Yangzi-rivero, kaj per tio rompis la rekordon kreitan de kanado,
kiu en 52' iris sur kablo 580 metrojn longa en 1995. De la 16-a
de aprilo ghis la 11-a de majo, 2002, Adili vivis 25 tagojn
sur kablo, strechita en la aero, intertempe li iris 123 horojn
kaj 48 minutojn, kaj per tio rompis la rekordon kreitan de la
sama kanado, kiu vivis sur kablo 21 tagojn.
En familio de Dawazi
Adili naskighis en nacia shnurdancista
familio en Xinjiang. Tie shnurdanco nomighas Dawazi, kiu havas
historion de pli ol 2 mil jaroj. Adili estas ghia sesageneracia
heredanto. Lia familio havas shnurdancan historion de 430 jaroj
kaj la heredanto de la dua generacio iam prezentis akrobatikon
en Pekino por imperiestro Qianlong.
La
shnurdancisto devas esti kuragha, forta kaj tute sen aerofobio.
En la infaneco de Adili lia patro malpermesis al li lerni shnurdancadon,
char tio estas danghera. La patro mortis, kiam Adili aghis 5
jarojn, sed post 3 jaroj li decidis lerni la akrobatikon kaj
tiam li profunde ekamis tion kaj post 21-jara peniga ekzercado
li farighis lerta shnurdancisto.
Li opinias, ke heredo de la tradicio
estas bona, tamen nur en ghia disvolvo oni pli bone heredos
ghin. Li opinias, ke tio estas lia devo.
En 1991 li falis de sur kablo kaj rompighis
7 ripoj. La frakturo okazis en dekkelkaj korpopartoj. Kuracisto
diris, ke li ne komplete resanighos. Pro tio li ege maltrankvilis.
Sed ekster la atendo, post duonjaro li resanighis kaj denove
komencis sian ekzercadon. Nun li jam 5-foje rompis Guinness-rekordojn.
Rompi rekordon de homa vivo sur kablo
Sur
kablo 400 metrojn longa strechita super Jinhai-lago, Pekino,
Adili prezentis diversajn akrobatajhojn en 25 tagoj. Li ripozis
kaj prenis manghajhojn en budo ligita al unu ekstremo de la
kablo, kiu che la du ekstremoj distancas de la akvosurfaco 30
metrojn kaj che la mezo 20 metrojn. Tiam en Pekino la vento
estis forta kaj estis malfacilege vivi sur kablo, kaj Adili
eltenis elprovon de la malbona klimato.
Frumatene de la 16-a de aprilo, 2002,
notario kondukis Adili en budon ligitan al la kablo kaj shlosis
la pordon kondukantan al la tero. La notario forportis la shlosilon.
La unusola elirejo por Adili estis kablo. En la budo funkciis
fiksa telefono kaj komputilo. Oni publikigis la telefonnumeron.
Kaj la rigardantoj povis interparoli kun Adili telefone kaj
interrete. Oni portis al li manghajhojn kaj vestojn pere de
pulio instalita sur muro.
En la 25 tagoj chiutage Adili iris
sur kablo meznombre 5 horojn.
En la unua tago super Jinhai-lago levighis
5-6-grada vento. Kaj li iris sur kablo nur 3 minutojn kaj chesigis
la prezentadon. Post tio la vento blovis 2 tagojn kontinue.
En la 7-a tago pluvis kaj la kablo farighis malseka kaj glitiga.
Kaj la budo farighis lika. En la unuaj tagoj li suferis de vizagha
shveligho, perdis apetiton kaj liaj manoj kaj piedoj ricevis
vezikojn. Tiam lia vivo eniris en la malfacilan periodon. Lia
edzino diris: "Pro malbona vetero Adili ne longe pashis
sur la kablo, sed post normaligho de la vetero li iros pli longe
kaj tiam chiutage li iros pli ol 6-7 horojn. Nun lia korpopezo
mallevighis kaj lia mieno farighis malbona."
Antautagmeze
de 11-a de majo, akompanate de gaja ujgura muziko kaj fervora
kantado de la publiko, Adili prezentis akrobatajhojn pli ol
unu horon sur la kablo. Li 2-foje iris kaj reiris sur la kablo.
Sur la kablo li staris per unu piedo, staris kun la kapo malsupre,
kushis surventre kaj faris aliajn dangherajn movojn, kio tre
mirigis la publikon. En la 11-a horo li finis sian lastan pashon
sur la kablo. Jen aperis emocia sceno. Lia edzino ascendis la
budon kaj atendis la edzon che ekstremo de la kablo. La geedza
paro forte chirkauprenis unu la alian. Sur la placo ektondris
varma aplaudo kaj levighis aklamado. Adili diris: "Antau
la chi-foja defio mi neniam pensis, ke mi disighis por tiel
longa tempo de miaj edzino kaj infanoj. Jam en la unua tago
mi tre sopiris ilin."
Oficisto de la stabejo de Guinness
donis al li diplomon.
Efektive li rompis la rekordon jam
en la 8-a de majo, tamen li decidis vivi pliajn 3 tagojn sur
la kablo.
Lia edzino diris, ke shi ne plu venos
tiun lokon, char en tiuj tagoj shi kaj timis kaj fieris. Lau
shi tio estu la lasta fojo por Adili defii la Guinness-rekrodon.
Shi kredis, ke ankau la familianoj de lia kanada kolego havas
similan opinion.
Adili iam donacis 10 mil juanojn al
knabino, suferanta de kancero, kaj nun volis doni al shi pli
da helpo kaj per tio montri sian dankon al la popola prizorgo.
Oni aukcios parton de la chiutagaj bezonajhoj, kiujn li uzis
en la budo, kaj donacos la tutan enspezon de la aukcio al la
filantropia afero.
La alia plano de Adili estas shnurdanci
super la Granda Muro. Pro malsuficho de la tempo li realigos
la planon en la venonta jaro. Tiam li pashos sur kablo 2008
metrojn longa, por montri sian subtenon al la Olimpikoj en 2008.
Adili esperas shnurdanci ankau super
la Granda Kanjono de Usono.