En la tagmezo de la 16-a de februaro, sur malvigla strato Wanshoulu, Pekino, viro vershis sur sin botelon da benzino kaj faris fajron. Policanoj atingis la lokon nur 3 minutojn post lia sinbruligo, tamen jam malfrue. Kiam la policanoj estingis la fajron kovrantan la korpon de tiu viro, li jam mortis.

    Je 5 metroj for de lia kadavro oni rimarkis lian identigan karton, loghantaran libreton kaj testamenton. La mortinto nomighas Tan Yihui el Changde, Hunan-provinco. Li aghis 25 jarojn. En la testamento li diris: "Mi volas perfektighi. Mi volas levighi al la chielo." "Neglekti la morton kaj vivon kaj perfektigi sin, tio ne estas komprenata simple kaj mekanike. Ordinaruloj certe maltrankvilas antau la morto."

    Jhurnalisto vizitis la familion de Tan Yihui en Changde. Lia patrino, Wu Sixi kun okuloj, rughighintaj de plorado diris al li: "Mia filo estis tre bona, tamen de post kontakto kun du herezaj libroj de Li Hongzhi, li sin ekkashis dome. La damninda Li Hongzhi mortigis mian filon, portis malfelichon al multaj familioj. Kial li ne mortigis sin por perfektigho?"

    Avino de Tan Yihui estas 91-jara. Ankau shi ne povis deteni sin kaj diris: "Mia nepo estis bona knabo. Sed ekster mia atendo la damnindaj libroj de Li Hongzhi sorchis lian animon. Li Hongzhi estas vere damninda."

    La patrino kaj avino de Tan vivas kune. Lia patrino nun aghas 48 jarojn sen regula enspezo. Tan vivtenis la familion per cirado sur strato. Char li estis bela kaj afabla, tial multaj bone memoras lin.

    En 1997 Tan hazarde achetis du librojn pri Falungong surstrate. Li legis la librojn ofte ghis profunda nokto. Komence la patrino opiniis, ke li lernas utilajn sciojn, sed poste dubis, char lia filo ne plu volis kontakti aliajn kaj farighis pli kaj pli izolita kaj ofte meditis sidante kun krucitaj kruroj murmurante ion. La patrino opiniis, ke eble la filo deziras edzinon kaj tial shi petis svati lin, tamen li rifuzis kategorie, dirante, ke li kredas je Falungong ekskluzive.

    La 15-an de februaro, Tan diris al la patrino, ke li veturos al suda Chinio por laboro, sed efektive, li trajne veturis al Pekino kaj atingis ghin je la 6-a horo de la sekvanta mateno. De la testamento oni scias, ke jam antau longe li decidis chieliri por perfktigho lau Li Hongzhi.