Kathy Lin estas chindevena kanadanino. Antau nelonge shi publikigis artikolon en semajnogazeto "Chinaj Elmigrintoj", en kiu shi rememoris sian kontakton kun Falungong kaj batalon kontrau ghi.

Mi forlasis la felichan vivon

    Mi naskighis en Harbin, Heilongjiang-provinco, Chinio. Aprile de 1995 kune kun la edzo mi elmigris al Kanado kaj la 13-an de augusto, 2001, mi akiris kanadan shtatanecon.

    Hazarde amiko rekomendis al mi la libron "Zhuanfalun". Tiam mi estis malsana kaj volis resanigi min per chigong-ekzercado. Ekster mia atendo pro tio mi dronis en la marcho de Falungong kaj longe ne povis liberigi min el ghi.

    Malgrau firma opono de la edzo, mi freneze adoris Li Hongzhi. Preskau chiutage mi legis "Zhuanfalun", verkitan de Li Hongzhi, kaj imite lian tenighon ekzercis min per Falungong. Mi profunde kredis la absurdajhojn de Li Hongzhi pri forlaso de la famo kaj profito kaj pri levigho al la chielo post memperfektigho, kaj en la koro pli kaj pli malproksimighis de la edzo kaj gepatroj. Mia edzo, kategorie oponanta kontrau Falungong, foje refoje deadmonis min, sed mi ne povis liberigi min el la spirita katenado de Li Hongzhi kaj Falungong. Mi obstinis en la ekzercado. En 1997 mia edzo forlasis min kaj sola veturis al Usono.

Mi ekkonis la veran fizionomion de Falungong

    La 22-an de majo, 1999, mi partoprenis kunvenon organizitan de la chefstabejo de Falungong en Nov-Jorko kaj nur tiam mi rimarkis, ke la kunvenon cheestis maksimume centoj da homoj, sed antaue oni trumpetis, ke ghin cheestos pli ol 3000 homoj el diversaj lokoj de la mondo, kaj plie inter la cheestantoj ne mankis parencoj kaj gefiloj de Falungong-ekzercantoj.

    Antau la kunveno iuj subite kriis: "Venas la majstro!" En tiu momento mi vidis, ke mezaghulo en china kostumo proksimighas al mi. Antaue mi vidis la fotojn de Li Hongzhi nur en libro kaj bildkajeroj. Kiam oni konigis min al li, tiu manpremis min kaj diris: "Por memkulturado per la kosma legho malfacile renkontebla, ne gravas la geedza intimeco, nek la intimeco al la gepatroj. Ne tro taksu richajhojn. Faru chion eblan por ke pli da homoj konu nian Falungong kaj pli da homoj flugu al la paradizo." Li deziris, ke mi pli energie propagandu Falungong kaj precipe faru reproduktadon de videodiskoj, videobendoj kaj libroj.

    Fine de novembro, 1999, mi konatighis kun cheffalungong-istino Zhou kaj marte de la sekvanta jaro shi telefonis al mi, ke la chefstabejo de Falungong ordonis, ke shi flugu al Ghenevo por propagandi Falungong, kiam okazos la 56-a sesio de la Homrajta Komisiono de UN. Shi diris al mi ankau, ke iu grava gvidanto de Falungong deziras, ke ankau mi partoprenu la aktivadon en Ghenevo.

    En Ghenevo mi rimarkis, ke la chefstabejo de Falungong kolektis Falungong-istojn el malsamaj lokoj de la mondo, kiuj tranoktis en amasloghejo de Ghenevo kaj chiutage lau direktivo de la gvidantoj sin ekzercis per Falungong sur placo antau la kunvenejo, alte tenante horizontalan standardon kaj disdonante propagandilojn de Falungong, riprochis la chinan registaron kaj distrumpetis por la kontrauchina propono de Usono.

    Reveninte de Ghenevo, Zhou diris al mi, ke Li Donghui, frato de Li Hongzhi, vivas malriche. Shi demandis, chu mi povus monhelpi lin. Shi diris ankau, ke se mi malavare helpos lin, shi aranghos rendevuon por ni.

    En iu aprila tago de 2001, en vestiblo de magazeno de Toronto mi renkontis Li Donghui, kiu en europa kostumo aspektis neniom malriche, kiel diris Zhou. Reciprokinte salutojn kun mi, Li Donghui malkashe diris al mi, ke por kunveno de Falungong en Toronto oni bezonas aron da portretoj, libroj kaj sloganoj. Li deziris, ke mi tion preparu. Mi konsentis. Post tio li diris plue, ke mi donacu 50 mil usonajn dolarojn, char la chefstabejo volas fondi bazon de Falungong. Je tio mi farighis singardema. Lau mi Falungong chiam trumpetis pri vero, bonkoreco kaj toleremo, sindeteno de chiaj famo, profito kaj amo, kial ghi foje refoje elvringas monon de la ekzercantoj?

    Post kelke da tagoj Li Donghui telefone ordonis, ke mi donu la preparitajn portretojn, librojn kaj sloganojn al la loka Falungong-stacio, kaj samtempe urghis min donaci la monon. Mi ekdubis pri lia intenco kaj petis prokrasti la daton de mondonaco kun preteksto, ke mi portempe ne havas tiom da mono.

    En la 13-a kaj 14-a de majo en la kunveno de Falungong en Toronto Li Donghui antau chiuj cheestantoj insultis min. Li minacis, ke li mortigos min, se mi ne donos al li la monon. Chu tio estas memvola donaco? Tio estas evidente chantagho kaj minaco fare de bando da rabistoj. Mi ne povis toleri tion kaj raportis tion al polico de Montrealo.

Mi malkashis la esencon de Falungong

    La chantagho de Li Donghui vekis min el songho kaj mi komencis mediti pri Falungong. Ekde julio de 2001 mi vizitis plurajn Falungong-ekzercantojn kaj iliajn familiojn. Mi propraokule vidis, kiel splitighis tiuj familioj pro Falungong, kaj konatighis kun pluraj serioze suferantaj de konsekvenco de Falungong. Chindevenaj kanadanoj Wang, Li kaj Liu, francdevana kanadano Robert, edzino de chindevena Dai kaj multaj aliaj konigis al mi la grandajn malutilojn kauzitajn de Falungong al iliaj familianoj kaj ili mem.

    Vizitinte tiujn suferantojn, mi ekhavis fortan devokonscion kaj decidis verki artikolon por konigi al la publiko miajn proprajn travivajhojn en Kanado. Post kelkaj tagoj mi vizitis la redakcion de la semajnogazeto "Chinaj Elmigrintoj". Ghia direktoro estis mirigita de la animskuaj krimoj de Falungong kaj tuj konsentis publikigi mian longan artikolon. La 3-an de novembro, 2001, en la respektata semajnogazeto "Chinaj Elmigrintoj" aperis mia artikolo "Vocho de suferantoj de Falungong".

Mi estas persekutata kaj kalumniata

    Leginte mian artikolon, Li Hongzhi kaj la chefstabejo de Falungong ekbolis de kolero kaj tuj ekkalumniis min. La konduto de Falungong malkashis ghian malnoblecon kaj firmigis mian decidon batali kontrau tiu herezo.

    La 30-an de novembro 2001 mi refoje telefonis al respondeculo de la semajnogazeto "Chinaj Elmigrintoj" kaj proponis okazigi kunsidon de suferantoj de Falungong. La respondeculo tuj konsentis.

    La unuan de decembro en la interkonsentita horo mi venis al la redakcio kaj trovis, ke che la redakcio ordinare silenta svarmis dekoj da homoj, tenante sloganojn kaj horizontalajn standardojn pri Falungong kaj laute kriante la sutrojn de Li Hongzhi. Kiam mi alproksimighis al la pordo de la redakcio, el la homamaso subite elsaltis Zhou, kiun mi konis en Otavo. Zhou laute riprochis, ke mi estas renegato, kaj perforte fotis min. Kiam mi malhelpis shin, shi per la fotilo batis min, tiel ke la montra kaj meza fingroj de mia maldekstra mano shvelighis. Loka hospitalo konstatis, ke la softhisto de tiuj fingroj vundighis.

    Kiam mi iris en la redakcion, mi trovis, ke 4 Falungong-istoj incite kriachis al la direktoro de la redakcio. Mi do refoje raportis tion al la loka polico.

    Li Hongzhi kaj la chefstabejo de Falungong kune akuzis min kaj la gazeton "Chinaj Elmigrintoj" pri nia tiel nomata "kalumnio" pri Falungong.

    La 2-an de februaro 2002 la gazeto eldonis specialan numeron "Justeco", en kiu legighas pluraj paghoj pri tio, kiel Falungong kalumniis la gazeton "Chinaj Elmigrintoj", kaj artikoloj pri vera fizionomio de Falungong. La direktoro de la gazeto persone verkis artikolon, en kiu li alvokis al la lokaj chinaj elmigrintoj kune batali kontrau Li Hongzhi kaj ties damagho al la chinaj elmigrintoj.

    En marto de la sama jaro, post registrado mi fondis en Kanado la Kontrauherezan Asocion kun la celo respekti sciencojn kaj malhelpi chiajn aktivadojn de herezo, por ke Kanado kaj chiuj elmigrintaj chinoj ne suferu de herezo, kaj por doni leghan helpon al la suferantoj de Falungong.