Dum la disvastigado de Falungong Li Hongzhi senchese pretendis, ke li estas "la plej supera budho", sed fakte li estas ege avida je mono. En kelke da jaroj li parvenuighis pere de disvastigo de Falungong.

    Liaj fruaj dischiploj atestis, ke en la unua periodo li disvastigis Falungong kaj varbis kredantojn sub la shildo de kuraco kaj sanigo. Shajnigante sian senpagan kuracon, li instalis en sia loghejo "ofer-keston" kaj aludis pere de siaj dischiploj la malsanulojn, ke chiu oferu almenau 100 juanojn.

    Dum la unua periodo de "disvastigado de darmo", Li Hongzhi gajnis multe da mono per okazigo de kursoj. Nekompleta statistiko pruvis, ke en 1993 kaj 1994 li akiris 428.3 mil juanojn sole en Changchun, chefurbo de Jilin-provinco, per okazigo de kursoj kaj vendo de libroj pri Falungong. Per kursoj en aliaj lokoj li akiris 789 mil juanojn, kaj la totala sumo atingis 1 217.3 mil. En Harbin, chefurbo de Heilongjiang-provinco, chiu kursano devis pagi 53 juanojn, kaj tiameniere Li Hongzhi akiris 200 mil juanojn.

    Poste Li Hongzhi diris, ke "por bone lerni la darmon, oni nepre devas legi librojn, rigardi videobendojn kaj auskulti sonbendojn", kaj presis multe da libroj kaj produktis multajn audo-videajn materialojn kaj vendis en alta prezo, 300 juanoj por chiu serio. Krome li fanfaronis, ke liaj portretoj kaj insignoj havas magian efikon kaj instigis la ekzercantojn acheti ilin. Poste li ofertis "kostumojn kaj kusenojn speciale por ekzercantoj" kaj eldonis librojn pri Falungong en luksa versio. Li diris, ke "rikolto venas de ofero, granda rikolto povas veni de malgranda ofero", kaj trompakiris multe da mono de la ekzercantoj.

    La 6-an de aprilo 1996 Li Hongzhi achetis en Changchun apartamenton en prezo de 311 mil juanoj. Lau legho li devis pagi imposton, kaj li mensogis, malmultigante la prezon de la apartamento je 178 mil juanoj kaj sekve li impostofraudis 10.7 mil juanojn. En la posta duono de 1996 kaj unua duono de 1997, kernulo Yao de Falungong aranghis en Pekino vendadon de kontrabanditaj libroj pri Falungong de Hongkonga versio kaj profitis 5.4 milionojn da juanoj kaj ghiris la monon al la eksterlanda konto de Li Hongzhi, kiun liveris Ji Liewu, peranto de eldonado kaj distribuado de libroj pri Falungong. Ji Liewu certigis, ke la tuta sumo da mono estas disponata de Li Hongzhi. Fidinta atestajho montris, ke Li Hongzhi havas grandegan deponon en la eksterlanda banko kaj estas suspektata je impostofraudo, monlavo kaj similaj krimoj.