En la 7-a de augusto de 2002 estis la 50-a datreveno de la fondigho de la statistika institucio de la china registaro. Che tio la ciferoj de la china statistiko unuafoje apertighis al la mondo, kaj la internacia socio povos tre facile legi che TTT-ejo www.imf.org la makroekonomiajn datumojn inkluzive de la totala enlanda produktovaloro de Chinio kaj la datumojn pri la socio kaj loghantaro. Tio estas la unuafoja publikigo de Chinio post kiam ghi alighis al la Ghenerala Datuma Disvastiga Sistemo (GhDDS) ellaborita de la Internacia Mona Fonduso (IMF). Tio markis, ke la statistiko de Chinio jam komencis chiuflanke respondi al la postuloj de GhDDS kaj sekvi la internacian kutimon. De tio ghiaj objektiveco, autentikeco kaj justeco estas senrezerve apertaj.

Devo por GhDDS

    Kelkaj internaciaj ekonomiaj krizoj inkluzive de la meksikia financa krizo en 1994, la azia financa krizo en 1997 kaj la argentina ekonomia krizo en 2002 havis seriozan kaj profundan malbonan influon sur la monda ekonomio. IMF opiniis, ke trovighis multaj kialoj kauzintaj tiujn financajn krizojn, sed la ambigueco, neakurata publikigo kaj neprecizeco de la statistikaj datumoj estas nesubtakseblaj gravaj kialoj. Por eviti refojan eksplodon de financa krizo, IMF ellaboris, perfektigis kaj aktive disvastigas en la membrolandoj la normon de datuma anonco por ilia makroekonomia statistiko.

    GhDDS estas valida por chiuj membrolandoj de IMF. Ili rajtas mem decidi alighi au ne al la sistemo. Aligho al la sistemo signifas, ke la alighinto promesas reformi sian statistikan sistemon imite al GhDDS, nome ellabori kaj publikigi la datumojn pri esenca ekonomio, financo, ekstera komerco, socio kaj loghantaro.

    GhDDS postulas, ke la membrolandoj altigu la kvaliton de la datumoj kaj senchese plibonigu la ellaboradon kaj anoncon de la statistikaj datumoj en 3-5 jaroj. La konkreta devo de la membrolandoj estas liveri al IMF la priskribadon de la ellabora kaj anonca stato de koncernaj statistikaj datumoj.

Altigi travideblecon de datumoj

    GhDDS pli akcentas normaligi la anoncan manieron de statistiko, sed tio nerekte altigis la kvaliton de la datumoj. Dum longa tempo iuj landoj kaj institucioj de la mondo havis dubon pri fidindeco de la statistikaj datumoj de Chinio. Aligho al la sistemo faris la statistikajn datumojn de Chinio pli travideblaj, char la membrolandoj devas publikigi statistikajn datumojn en la difinitaj datoj kaj frekvencoj. La kolektado de la datumoj, nome la ekspliko kaj priskribo de la datumoj, ekzemple la tereno, frekvenco kaj loko, farighis publikigenda. Tio altigis la travideblecon de la statistikaj datumoj de makroekonomio.

    La plej granda utilo de la travidebleco de datumoj por ordinaraj investantoj estas shpari memkoston de decido kaj eviti eraron en decido. Aligho de Chinio al la sistemo liveris bonan kondichon por la investantoj.