Komence de la 90-aj jaroj de la 20-a jarcento publika enketo en Chinio profunde impresis la socion. Tiam multaj montris sian respekton al instruado, sed nur tre malmulte da homoj volas sin okupi pri tiu laboro. Alta takso pri la socia pozicio de instruistoj kaj ilia malricheco forte kontrastis. Tio embarasis la instruistojn.

    Pasis pli ol dek jaroj. Sendube la enspezo de instruistoj rimarkinde levighis. Kaj krom tio ilia profesia risko estas kompare malgranda kaj sekve ili ne plu estas sinonimo de malrichaj intelektuloj. En la lastaj jaroj multe da gejunuloj preferas lerni en la instruistaj lernejoj kaj labori kiel instruistoj. La socia situacio de instruistoj multe shanghighis.

Alta takso de la socio kaj bezono de la merkato

    Dank' al kontinua disvolvigho de la china ekonomio en la lastaj du jaroj la enspezo de instruistoj de altaj lernejoj multe levighis. En 2001 la enspezo de instruistoj kreskis plej rapide. Oni elspezas multe por edukado kaj shatas investi tiun kampon.

    La chinaj politikoj garantias la stabilan levighon de iliaj enspezoj. Kun la socia disvolvigho la shtato kaj familioj donas chiam pli altan atenton al edukado kaj instruistoj havas bonan estontecon.

    Rapida levigho de la ekonomia pozicio de instruistoj kaj ilia moralo ludas gravan rolon en levo de la socia pozicio de la instruistoj. Nun la instruistoj alfrontas novan defion, t.e. pro rapida socia disvolvigho multe shanghighis la koncepto, metodo, kampo, enhavo kaj objektoj de edukado. Kaj la edukaj koncepto kaj metodoj formitaj en la sfero de la tradicia kulturo de Chinio kaj tiuj formitaj en la sistemo de planizita ekonomio ne povas kontentigi la socian bezonon.

    La ghisdata eduka enketado montras, ke edukado de ideologia kvalito, profesio, sekso, psikologio kaj karakteroj estas urghe bezonata de la socio kaj de tio nature formighis la eduka merkato. En esplorado kaj disvolvado la edukantoj kaj edukatoj alfrontas same grandan defion. La instruistoj alfrontas severan provadon de la merkata ekonomio kaj ili nepre devas akomodi sin al la merkata bezono.

    Faktoj pruvis, ke nur sin adaptinte al la merkata ekonomio, chinaj instruistoj povas farighi efektive richaj.

Merkato por instruistoj

    En la sistemo de la planizita ekonomio instruistoj de altaj lernejoj enspezas malmulte. Post ekpraktikado de la politiko pri reformado kaj pordmalfermo la shtato plurfoje levis ilian salajron, tamen ilia vivo ne multe plibonighis. Nur dank' al efektivigo de la merkat-ekonomia sistemo tiu fenomeno shanghighis. Antau du jaroj la Pekina Universitato kaj Qinghua-universitato shanghis la distribuan sistemon. Nun ili salajras lau novaj universitataj rangoj difinitaj post ekzameno. Iuj eminentaj junaj instruistoj enspezas ech pli multe ol maljunaj profesoroj. Tio fundamente shanghis la malnovan distribuan principon: pli da kapablo kaj laboro, pli da mono.

    Edukado farighis industrio. La trejnaj establoj en la socio kaj privataj lernejoj donas multe da shancoj richigi ne nur spertajn kaj famajn, sed ankau iujn junajn instruistojn.

    La Eduka Scienc-teknika Grupo "Nova Oriento" de Pekino kreis plurajn milionulojn en nur kelkaj jaroj. Tiuj milionuloj achetis loghdomon kaj automobilon kaj ekvivis komfortan vivon. La teorio de tiu grupo konformas al bezono de la eduka merkato kaj en ghiaj okuloj instruistoj estas la plej valora richajho de la eduka afero.

    Iuj instruistoj de altaj lernejoj povas enspezi centojn da miloj da juanoj sole en someraj ferioj. Ili faras lekciojn en kursoj de altaj lernejoj. Iuj profesoroj pri administrado lekcias en kursoj de entreprenaj administrantoj kaj enspezas multe.

    Iuj eminentuloj diplomighintaj el financa fako de altaj lernejoj ekfunkciis kiel instruistoj de altaj lernejoj anstatau kiel funkciuloj en bilaj borsoj, char ili estas bonvenaj al la socio kaj ekster la instruhoroj ili povas gajni multe.

    Pri la kumula instruado de instruistoj la publiko ghenerale opinias, ke ili rajtas enspezi pli multe per siaj honestaj laboroj.

Kontribuo kaj oferemo

    Kvankam la chinaj instruistoj enspezas pli kaj pli multe, tamen tio ne signifas, ke ilia enspezo shanghighis radikale.

    Efektive, en Chinio kiel ordinaraj laborantoj en la socio, la instruistoj plejparte enspezas ne tre multe, sed devas dedichi grandan energion al la laboro, tial instruado estas okupo bezonanta oferemon.

    En multaj altaj lernejoj pro strecha laborado oni ne havas tempon kumuli alian laboron kaj sola enspezo estas la salajro, kiu tamen 6-oblighis kompare kun tiu antau 10 jaroj. Ankau la enspezo de instruistoj de elementaj kaj mezaj lernejoj pli multe levighis ol antau 10 jaroj. Kun socia evoluo kaj chiam pli levighanta socia atento la chinaj instruistoj certe enspezos pli kaj pli multe.