En la lastaj jaroj, kiam multaj studentoj el la malrichaj regionoj de la okcidento de Chinio ne povis pagi por la lernado, la Projekto “Helpi Lernantojn en la Okcidento” helpis ilin venki la malfacilon.

    La Projekto “Helpi Lernantojn en la Okcidento” estas projekto de la china registaro por helpi lernantojn de malrichaj familioj, ke chiujare ghi donas 5000 juanojn al elstaraj lernantoj devenintaj de malrichaj familioj.

    En Yunnan-provinco en la sudokcidento de Chinio vivas multaj nacimalplimultoj kaj multaj el iliaj infanoj ne povas lerni en superaj lernejoj pro malricheco. En 2000 la provinco komencis praktiki la projekton kaj diversaj funkciaj departementoj bone kunlaboris, alprenis diversajn metodojn por elekti helpatojn kaj publikigis iliajn nomojn por submetighi al la socia kontrolo.

    En 2000, 100 lernantoj de malrichaj familioj akiris monhelpon, kaj la helpatoj esprimis, ke ili nepre diligente lernos por rekompenci la socion en la estonteco.

    La projekto en Yunnan jam elspezis milionojn da juanoj, kio ne nur helpis la lernantojn, sed ankau kreskigis helpemon en la socio. Influate kaj pushate de la Projekto “Helpi Lernantojn en la Okcidento”, la diversaj rondoj de la provinco aktive partoprenis en la laboro helpi malrichajn familiojn. La Tabaka Kompanio Hongtashan decidis doni chiujare 800 mil juanojn al 400 studentoj de malrichaj familioj, por ke ili plenumu la lernadon.

    Montaro konsistigas grandan parton de Guizhou-provinco, kaj multaj lernantoj devenas de malrichaj familioj. Ekde aprilo de 2001 la Komitato de la Komunista Partio de Chinio de Guizhou-provinco ordonis al la 87 gubernioj (inkluzive de urboj kaj distriktoj) enketi pri elstaraj lernantoj devenintaj de malrichaj familioj, kiuj espereble povos trapasi eniran ekzemenon de superaj lernejoj, kaj metis la gravitan punkton de helpado sur lernantojn devenintajn de familioj de malrichaj kamparanoj kaj deoficigitaj laborantoj, en kiuj chiu membro akiras chiumonate malpli ol 150 juanojn (8.3 juanoj egalas al 1 usona dolaro) por vivtenado. Krome oni multe pli atentas lernantojn de malrichaj nacimalplimultanoj kaj lernantinojn.

    Cai Hao trapasis la eniran ekzamenon de la Pekina Universitato, sed liaj gepatroj chagrenighis, ke ili ne havas tiel grandan sumon da mono por pagi al la universitato. Tiam la provinca registaro registris por Cai konton en la China Industria kaj Komerca Banko, ke li povu akiri chiujare 5000 juanojn kiel stipendion ghis sia diplomigho. 100 lernantoj sukcesintaj en enira ekzameno de landfamaj universitatoj kaj universitatoj famaj en la provinco estas subvenciataj de la Projekto “Helpi Lernantojn en Okcidento”.

    En 2001 preskau chiuj gubernioj de la provinco subvenciis almenau po 1 lernanton. 87 el la 100 helpataj lernantoj devenis de la kamparo, 13 — de familioj de deoficigitaj laborantoj au senlaboruloj kaj 55 — de ekstreme malrichaj familioj de Mjau-, Dong- kaj aliaj nacimalplimultoj. Che la finigho de someraj ferioj de 2002 la 100 helpataj studentoj jam akiris duafojan stipendion. La nova grupo da studentoj glate akiris stipendion.

    En la okcidento la problemo de studentoj de malrichaj familioj estos iom post iom solvita lau la disvolvigho de la Projekto “Helpi Lernantojn en la Okcidento”. Studentoj helpataj de la projekto rekompencos la socion per servo al la disvolvo de la okcidento en la proksima estonteco.