En 2001 Pekino havis 185 serenajn kaj kompare bonajn tagojn, kiuj konsistigis 50.7% de la tuta jaro. En la "nebula urbo" Chongqing, la pezindustria bazo de sudokcidenta Chinio, la sulfura dioksido kaj ellasita fumo malpliighis je 90%, kaj la tagoj de densa nebulo estis nur 30% de tiuj en la antauaj jaroj. Suzhou-rivero en Shanhajo estis malbonodora kaj fishoj kaj salikokoj ne videblis tie jam de 80 jaroj. Nun denove purighis la akvo. La unua china eksperimento por konstrui ekologian regiono nen Guizhou jam havis primaran efikon. La gravaj poluaj lokoj en la regiono de Tri Gorghoj de Yangzi-rivero malpliighis je 37.

    Nun la china popolo pli kaj pli klare konas la gravecon de media protekto kaj ekologia ekvilibro. La polua indico de aero estis atentita nur de fakuloj en la pasinteco, sed nun ghi farighis nemankigebla referenco por ordinaraj loghantoj. Oni diris, ke en 340 chinaj urboj la aera kvalito estas bonigita kaj en 117 el ili ghi atingis la normojn difinitajn de la shtato kaj en 114 el ili la polucio estas nur malgranda.

    Kvankam la progreso estas rimarkinda, tamen ghuste kiel diris Zhu Guangyao, vicestro de la Shtata Ghenerala Mediprotekta Buroo de Chinio, la medio de Chinio ne estas en ghojiga situacio.

    Chiujare che alterno de printempo kaj somero nordan Chinion facile atakas sabloshtormo kaj en varmegaj someraj tagoj rughaj tajdoj minacas chinajn proksimajn marojn. Triono de stepoj regresas kaj la dezertigitaj lokoj dilatighas chiujare je 2460 kvadrataj kilometroj. 2 milionoj da hektaroj da arbaroj estis detruitaj.

    Lau raporto farita de la Shtata Ghenerala Mediprotekta Buroo de Chinio, kvankam la akva kvalito de Yangzi-rivero kaj Songhuajiang-rivero estas plibonighanta chiujare, tamen la Flava Rivero kaj Liaohe-rivero nun estas serioze poluataj.

    Pro chio chi tio la china registaro donas pli grandan atenton kaj energion al mediprotektado ekde la pasinta jaro.

Plenumo de nova plano

    En la pasinta jaro Chinio ellaboris novan kvinjaran planon, kiu substrekas altigon de la aera kvalito, solvadon de la problemoj pri la serioze poluitaj riveroj, lagoj kaj maroj kaj grandskalan kaj sisteman median protektadon de la riveroj.

    Fakuloj de la Shtata Ghenerala Mediprotekta Buroo de Chinio diris, ke en 2005 la totala kvanto de rubo poluanta aeron, akvon kaj grundon mallevighos je 10% kaj 45% de la malpura akvo ellasita de la popola vivo estos traktitaj, 30% de la urba tero estos verdigitaj kaj la aera kvalito de duono de la urboj farighos kompare bona.

    Por garantii la sukcesan realighon de sia celo, Chinio devas intensigi leghodonon pri mediprotekto kaj rigore plenumi la aprobitajn leghojn. Krom tio koncernaj departementoj devas rigore kontroli kaj ekzameni plenumighon de la leghoj, premii la bonajn kaj puni la malbonajn establojn en praktikado de la leghoj pri mediprotektado.

Unuaj atingoj en mediprotektado en Chinio

    "Bulteno pri la china medio en 2001" publikigita antau nelonge montras, ke la gravaj projektoj por mediprotektado atingis rimarkindajn sukcesojn kaj la totala kvanto de ellasitaj malpurajhoj estis limigita, la kvalito de riverakvo estis stabila, acida pluvo en la urboj reduktighis, kaj en la regionoj che Bohai-maro oni jam malpermesis produkti, vendi kaj uzi fosforhavajn lesivojn. Kontraudezertiga projekto kun totala investo de 11 miliardoj da juanoj jam estis lanchita en Xinjiang, kie estas la plej granda kaj detruata dezerto en Chinio. Post la projekto de mediprotektado en la regiono de la Tri Gorghoj de Yangzi-rivero oni metis en tagordon la mediprotektadon che la vojo por konduki akvon de sude norden.

    La urboj kun granda loghantaro kaj evoluinta ekonomio estas gravaj lokoj por disvolvi la median protektadon. Koncernaj departementoj alprenis serion da rimedoj por daurigi la sintezan reguligon de la urba medio kaj samtempe kun tio la konstruado de fundamentaj urbaj investajhoj kaj elstaraj mediprotektaj urboj plirapidigis siajn pashojn.

    La chinaj mediprotektantoj jam turnis sian atenton al la kamparo kaj samtempe kun tio kombinis la mediprotektadon de la urboj kun tiu de la kamparo. En la pasinta jaro la volontuloj diversmaniere propagandis mediprotektadon kaj iuj lokoj aktive esploris kombinon de agrikulturo kun mediprotektado, disvolvis ekologian agrikulturan konstruadon kaj akiris rimarkindajn sukcesojn en la ekonomio kaj mediprotektado.

    Chinio jam cedis terkulturadon al arboplantado sur 955 mil hektaroj da kampoj, plantis arbojn kaj kulturis herbojn sur 786 mil hekatroj da kalvaj montoj, kaj kontrausablaj arbaroj kaj naturaj arbaroj okupas 60 milionojn da hektaroj, kiuj rilatas 97% de la chinaj gubernioj.

    Chinio efektivigos 30 gravajn ekologi-protektajn projektojn por arbaroj, dezertoj kaj marchoj. Nun ghi havas 1551 naturparkojn kun totala areo de 129.89 milionoj da hektaroj, kiuj konsistigas 12.9% de ghia teritorio kaj sur tiu bazo oni planas konstrui pli da naturparkoj, por ke ili kovru 16.14% de ghia teritorio.