En 2002 la China Ministerio de Higieno konigis, ke estas necese por Chinio ellabori leghon pri cerba morto. La ministerio jam faris skizon pri normoj de cerba morto konformaj al la naciaj kondichoj de Chinio post ripetada diskuto kaj nun kolektas opiniojn de la publiko por fari ghin kiel eble plej perfekta.

    Ekde 1986 chinaj medicinistoj foje refoje alvokis fari leghon pri cerba morto kaj la ministerio finfine publike aprobis tion.

    Fine de 2000, el la 189 membrolandoj de UN 80 jam montris sian aprobon pri la normoj de cerba morto.

    De post la 80-aj jaroj de la pasinta jarcento oni jam bone difinis la normojn de cerba morto. Char al Chinio mankas koncerna legho, kuracistoj ne rajtas anonci cerban morton de malsanuloj. Nun la china nacia ekonomio rapide disvolvighis kaj Chinio membrighis al la Monda Komerca Organizo kaj Monda San-organizo kaj aliaj internaciaj organizoj, tiel ke mallongighis la distanco inter Chinio kaj aliaj landoj, nun ja estas tute necese fari la leghon pri cerba morto.

    En Chinio leghodono pri cerba morto mem shanghis la malnovan koncepton pri morto, observatan de la china popolo en la pasintaj jarmiloj. Por difini la normojn de cerba morto chinaj fakuloj multe lernis sukcesajn spertojn eksterlandajn kaj la estonta legho montros la ghisdatajn atingojn en esploro pri cerba morto kaj samtempe donos grandan atenton al la chinaj tradicioj, por ke la chinoj facile akceptu ghin. Pro chio chi tio la diagnozaj normoj estas sciencaj kaj praktikeblaj.

    Leghodono pri cerba morto estas nova problemo por la justica rondo de Chinio. Pro la influo de tradiciaj kaj religiaj konceptoj necesas certa tempo por la chinoj akcepti la novan koncepton pri homa morto, tial la ministerio substrekis, ke la koceptoj pri halto de korbatado kaj cerba morto povas ekzisti samtempe kaj la chinoj povas elekti unu el ili kiel normon pri morto. Kun shanghigho de la tradicia koncepto la China Medicina Asocio, China Kuracista Asocio kaj aliaj departementoj de Chinio devas difini la diagnozajn normojn pri cerba morto, normaligi la ekzamenan teknikon kaj difini la administran regulon kaj nur sub tiuj premisoj oni povas fari leghon.

    Cerba morto diferencas de vegetala homo. Che multaj homoj morto okazas unue pro halto de ilia spiro kaj korbatado, sed che 5% de la homoj pro cerba traumato, cerba tumoro kaj cerbovaskula malsano, kaj antau chio atakas ilin la nekuracebla tutcerba kontuzo inkl. de la cerba trunko, jen estas cerba morto. En Chinio multaj konfuzas cerban morton kaj vegetalan homon, sed fakte tio estas du malsamaj konceptoj. La funkcio de cerba trunko de vegetala homo estas normala kaj ilia komato kauzighas de serioza damagho de la cerebra kortekso au subita sufokigho, tial che ili la spiro kaj korbatado estas normalaj kaj ili havas cerbotrunkan reakcion kaj malmulte da homoj ech povas rekonsciighi. Sed la homoj suferantaj de cerba morto havas organan kontuzon de la tuta cerbo, ne povas mem spiri kaj mankas al ili cerbotrunka reakcio. Ilia cerba ondo estas rekta linio. La ekzameno de la kranio per ultrasonaj ondoj B montras, ke okazas al ili cerba morto.

    En Britio 16 fakuloj esploris 1036 malsanulojn suferantajn de cerba morto. Kvankam ili faris chion eblan por savi ilin, tamen neniu el ili revivighis, kaj oni pagis pro tio dekoble kaj ech centoble pli multe ol por savi ordinarajn malsanulojn.

    Difini la koncepton pri cerba morto kaj praktiki la leghon pri cerba morto povas ghustatempe fini la senefikan kuracadon kaj malpliigi konsumadon de higienaj richajhoj. Leghe agnoski cerban morton tre utilas al organa transplantado.

    Nun klinike la transplantado de koro, hepato kaj reno de Chinio estas altnivela. Antaue pro manko de la legho pri cerba morto la kvalito de la organoj por transplantado estas malpli bona ol eksterlande. Kompreneble la legho pri cerba morto estas farita ne nur por faciligi la organan transplantadon, ghi pli utilas al la spirita civilizacio kaj socia progreso kaj al la tuta popolo, al reformado de la koncepto formita dum jarmiloj pri morto kaj larghigo de la fonto de transplanteblaj organoj.

    Morto estas ankau koncepto de legho. Scienca kaj ekzakta determino de la tempo de la homa morto havas ekstreme gravan signifon en justica laboro.

    Fari leghon pri cerba morto estas scienca kaj humanisma laboro. Ghi estas bezonata de la popolo kaj socia progreso.