En la Kvina Sesio de la Naua China Popola Politika Interkonsiligha Konferenco (ChPPIK) Chen Bangzhu, prezidanto de la Komisiono pri Loghantoj, Richfontoj kaj Medio, diris: "En la pasinta jaro mi 7-foje faris esploron pri energioj, loghantoj, konduko de akvo de sude norden kaj aliaj kaj faris 6 prelegojn chi-rilatajn. Mi prenis la problemon pri energia strategio kiel gravan objekton de la komisiono. Ni faris enketon en Heilongjiang, Guangdong, Sichuan, Pekino kaj Tianjin kaj faris antauvidon pri kontraudiro inter la rezervokvanto, strukturo kaj administrado de nafto, natura gaso, karbo kaj aliaj strategiaj energioj de Chinio, la strategia bezono de Chinio pri energioj en la venontaj 50 jaroj kaj interrilatoj inter la diversaj energioj. En la pasinta jaro en la Kvara Sesio de la konferenco oni faris proponon pri konduko de akvo de sude norden. Post tio la Komisiono pri Loghantoj, Richfontoj kaj Medio faris profundan enketon pri la metodoj koncerne kondukon de akvo de sude norden kaj esplore vizitis Libion, Egiption, Italion kaj aliajn landojn kaj proponis konduki akvon per tuboj por garantii la akvan kvaliton en Pekino kaj Tianjin kaj liveri bonkvalitan akvon al Pekino dum la Olimpikoj en 2008."

    Koncerne la laborplanon de la China Popola Politika Interkonsiligha Konferenco por 2002, Chen opiniis, ke verdigo de Chinio restos unu el la gravaj laboroj. Tiun laboron prizorgos la Komisiono pri Loghantoj, Richfontoj kaj Medio. Oni faros esploron ankau pri jenaj problemoj, kiel levi la atmosferan kvaliton de Pekino, preventi kaj nuligi la tiean sabloshtormon, protekti akvon de Yangzi-rivero, praktiki la politikon de naskolimigo en nacimalplimultaj regionoj, ekspluati turismajn richfontojn en okcidenta Chinio kaj disvolvi ekologian agrikulturon.