La ghisdata statistiko montras, ke nun pli ol 400 el la 668 urboj de Chinio vivas depende de subtera akvo. Tiuj 400 urboj plejparte trovighas en la norda parto de Chinio kaj multaj el ili cherpas subteran akvon tro multe en la pasintaj jaroj.

     Pekino bezonas chiujare 4.1 miliardojn da kubmetroj da akvo, sed el ili 2.7 miliardoj venas el sub la tero. Shandong-provinco estas bazo de komerca greno kaj granda agrikultura provinco en la norda parto de Chinio. Tie 95% de la akvo bezonata de industrioj kaj urbaj loghantoj venas el sub la tero. Subtera akvo jam farighis unika akvofonto por Huhhot, chefurbo de Interna Mongolio.

    Respondeculo de la Ministerio de Tero kaj Richfontoj de Chinio diris, ke akvofonto kaj precipe la subtera akvo jam farighis grava faktoro por ekonomia disvolvigho en grandaj kaj mezgrandaj urboj de la norda parto de Chinio.

Akvomanko malhelpas disvolvighon de malnovaj industriaj bazoj

    Shenyang de Liaoning-provinco estas grava industria bazo en la norda parto de Chinio. Antaue oni nomis ghin cherivera urbo. Sed en la lastaj 3 jaroj tie aprile ofte furiozis sablovento, kaj la chefa kauzo estas manko de akvo.

     Shenyang suferas de akvomanko kaj la industriaj entreprenoj kaj chiutaga vivo de la loghantoj dependas chefe de subtera akvo. El la 10 grandaj urboj de Chinio la pokapa akvokvanto de Shenyang estas plej malalta.

Nordaj urboj tro multe cherpas subteran akvon

     La takso pri akvofontoj de la tuta lando montras, ke la urboj de norda Chinio cherpas subteran akvon tro multe kaj la situacio de norda Chinio estas plej serioza. Materialoj de la Ministerio de Tero kaj Richfontoj de Chinio montras, ke en Huhhot, Hebei-provinco kaj Pekino la cherpita akvo estas pli multa ol la aldonita.

     Jughate lau la tuta lando, 16% de ghia utiligata akvo venas el sub la tero. Oni antauvidis, ke en la estonteco multaj urboj en la norda parto de Chinio kaj iuj chemaraj urboj suferos de akvomanko.

Troa cherpado kauzas multe da problemoj

     Subtera akvo estas grava natura richfonto kaj ankau strategia ekonomia richfonto de chiuj landoj. Ghi estas valora por la sekaj kaj duonsekaj regionoj de la norda parto de Chinio, sed pro manko de scienca kaj racia ekspluato kaj konservo de subtera akvo aperis multe da neignoreblaj problemoj.

     Antau chio pro konstanta kaj ekscesa cherpado la subtera akvofonto ne ricevis ghustatempan aldonon, kaj kauzighis funelforma kavo chiam pli grandighanta, kio fine kauzas tersurfacan sinkon.

     Kun ekonomia disvolvigho de Chinio la malpura akvo elvomita de fabrikado de insekticido kaj kemisterko kaj chiutaga vivo pli kaj pli multighas kaj parto de ili, ne traktite, rekte fluis subteren. Kaj plie, ekscesa cherpado mallevis la nivelon de la subtera akvo, kio rapidigas enpenetrighon de la eluzita kaj malpura akvo kaj fine poluas la subteran akvon.

     Lau nekompleta statistiko, nun 136 urboj kaj regionoj suferas de poluado de la subtera akvo kaj ili plejparte estas en la norda parto de Chinio.

     Krom tio, la troa cherpado de subtera akvo kauzas entrudighon de marakvo kaj damaghas la grundon kaj degenerigas la flauron kaj malutilas al la ekologia medio.

Kontraurimedoj

     Komence de 2003 la Ministerio de Akvaj Richfontoj de Chinio publikigis “Opiniojn pri bremso de troa cherpado de subtera akvo” por intensigi la unuecan administradon pri cherpado de subtera akvo kaj bonordigon de la ekologia medio en la lokoj, kie oni tro multe cherpas la subteran akvon.

     Lau la unueca arangho de la Ministerio de Akvaj Richfontoj, pere de la protektado de la subtera akvo, oni donas grandan atenton por realigi en la venontaj 20 jaroj ekvilibron inter la akvocherpado kaj akvoaldonado, nuligi troan cherpadon kaj preni aliajn rimedojn por intensigi administradon por reguligi la akvajn richfontojn kun la celo levi la nivelon de la subtera akvo kaj plibonigi la ekologian medion. La chefaj taskoj estas: Antau la jarfino de 2003 la provincaj departementoj pri akvaj richfontoj difinu la lokojn de supercherpado de subtera akvo, antau la jarfino de 2004 ellaboru regulojn kontrau troa cherpado de subtera akvo lau la ghenerala postulo de la departementoj pri akvaj richfontoj, en 2005 la lokaj registaroj ekpraktiku la planon pri protekto de la subtera akvo, faru specialan bonordigon pri cherpado de subtera akvo, por ke la ekologia medio de la lokoj, kie oni tro multe cherpas subteran akvon, rimarkinde plibonighu kaj rigore limigu la cherpadon de subtera akvo, efektivigu projekton pri aldono de subtera akvo kaj perfektigu la kontrolan reton pri cherpado de subtera akvo.