Printempe de 2003 SARS (netipa pulmito) testis la antau nelonge fonditan registaran departementon “Shtata Administracio pri Kontrolo de Manghajhoj kaj Medikamentoj”, kiu nun nepre devas posedi la merkatajn informojn, akordigi la rilatojn inter diversaj departementoj kaj informi ilin ghustatempe, por ke ili pretigu medikamentojn kaj medicinajn ekipajhojn kontrau SARS. Kaj krom tio ghi devas kunlabori kun departemento pri prezoj por preventi lauvolan prez-altighon.

     En la lastaj jaroj sur la kampoj de manghajhoj kaj medikamentoj de Chinio plurfoje okazis kontrauleghaj aferoj, malutilaj al la homaj sano kaj vivo. Intensigi kontroladon super tiuj kampoj farighis urgha tasko de la registaro. Establado de la Shtata Administracio pri Kontrolo de Manghajhoj kaj Medikamentoj sendube intensigas tiun laboron.

     Fakuloj opinias, ke limigite de la administra sistemo, la antaua medikamenta administracio ne bone plenumis sian taskon, char tiam la prezo de la medikamentoj estis decidita de aliaj 3 departementoj, dum tiu de manghajhoj estis decidita de la Agrikultura kaj San-protekta Ministerioj.

    Post sia naskigho la Shtata Administracio pri Kontrolo de Manghajhoj kaj Medikamentoj devas senprokraste depreni la antauajn taskojn de la aliaj departementoj.

     “Nun lau postulo de la Shtata Konsilantaro ni plenumas nian chefan taskon, bonordigas la internajn instituciojn kaj personaran strukturon,” diris direktoro de la administracio.

     La nova administracio daure plenumas la funkciojn de la malnova administracio, kontrolas fabrikadon kaj kvaliton de medikamentoj, respondecas pri la sekureco kaj kvalito de manghajhoj, sanprotektaj medikamentoj kaj kosmetikajhoj, faras enketadon kaj traktadon de gravaj akcidentoj kaj efektivigas la administran kaj teknikan kontroladon pri esplorado, produktado, cirkulado kaj uzado de la medikamentoj.

     Nun Chinio havas 16 mil farmaciejojn, 3 mil entreprenojn pri medikamenta cirkulado kaj pli ol 60 mil entreprenojn pri produktado kaj cirkulado de manghajhoj, tial la nova administacio havas pli gravajn kaj pli malfacilajn laborojn.

     En marto la administracio jam komencis reguligon kaj bonordigon de la merkataj reguloj: kune kun sekurecaj departementoj batali kontrau fabrikado de falsaj kaj malbonkvalitaj medikamentoj kaj medicinaj ekipajhoj, akceli konstruadon de kredita sistemo de medikamenta merkato, bonordigi la kamparan medikamentan merkaton kaj establi arkivon pri reputacioj de fakuloj, shtatoficistoj kaj medikament-kontrolaj departementoj de jughado, takso kaj sankcio de medikamentoj kaj medicinaj ekipajhoj.

    Kiel institucio rekte sub la Shtata Konsilantaro la administracio havas pli grandan rajton. Ghia direktoro diris, ke la medikamentoj, manghajhoj kaj kosmetikajhoj rilatas al la homaj sekureco kaj sano kaj al la socia progreso kaj stabileco. “La rajtoj kaj devoj ekzistas kune. Niaj devoj farighis pli grandaj kaj la premoj pli pezaj. Ni ne havas proprajn interesojn. Ni zorgas nur pri la interesoj de la popolo.”

     La direktoro diris ankau, ke la administracio ne povas preni sur sin la devojn kaj taskojn de agrikulturaj, industri-komercaj, higienaj kaj kvalitkontrolaj departementoj por kontrolado kaj administrado de manghajhoj, sed ghi devas intensigi la sintezan kontroladon kaj kunordigi ilin por bone plenumi la leghojn.

    Li diris ankau, ke la administracio devas lerni la avangardan sperton de la evoluintaj landoj. Tiuflanke bone funkcias la Usona Administracio pri Manghajhoj kaj Medikamentoj kaj ghiaj oficoj estas sukcese plenumataj.