Someron, en Hejiang, Guangdong-provinco, sur 800 hektaroj da kampoj kreskis hibridigita rizo kun dikaj folioj kaj grandaj spikoj.

    Rigardante la kampojn, Yuan Longping, fama china fakulo de hibridigita rizo, emocie diris: "Tiu chi rizkultura revolucio montras, ke la chinoj povas per si mem solvi la problemon de manghado, dank' al scienco kaj tekniko."

    Rizo estas tipa mempolenanta planto monoklina. En la 70-aj jaroj Yuan Longping estis okupata de agrikultura scienc-tekniko en Hunan-provinco. Sugestite de genetiko, li ekhavis la ideon: Se sorgo kaj maizo povas esti hibridigitaj, chu ankau rizo povas? Li do ekokupighis pri hibridigo de rizo.

    Por serchi rizan masklon malfekundan Yuan Longping kun siaj kolegoj vizitis preskau chiujn lokojn de suda Chinio kaj trovis unu tian sovaghan planton. El ghi ili kulturis hibridigitan rizon kun granda supereco tiurilata kaj prove kultivis ghin surkampe. Oktobron de 1973 estis deklarite al la mondo, ke sukcesis la eksperimento de riza hibridado. Rezulte de tio, Chinio pliigis en 1987 la produkto-kvanton de rizo je 15 miliardoj da kilogramoj kaj la hektaran produktokvanton de hibridigita rizo je 50%-75%.

    Yuan Longping per sia scienc-teknika frukto kontribuis ne nur al Chinio, sed ankau al la tuta mondo. Pro tio li gajnis grandan honoron. Usona dokumenta filmo pri la hibridigita rizo diris: "Sinjoro Yuan Longping solvis la problemon de manghado al chiuj popoloj de la mondo." Japano diris: "La hibridigita rizo de Chinio venigis shtormon al Japanio."

    Nun, kiel membro de la China Akademio de Sciencoj. Yuan preparas sin por fondi la Hunan-an Instituton pri Hibridigita Rizo. Por subteni lian esploron la china chefministro decidis asigni al li sumon da mono. Lastatempe venis la informo, ke lia novekulturita vario de hibridigita rizo rikoltigis pli ol 12 000 kg hektare.