1. Rong Yiren kaj lia familio

    Rong Yiren, 84-jara, fandis Grupon CITIC. Ghis la mezo de septembro 2000, Rong-familio havis 18% de la akcioj de la en-akciomerkata kompanio Taifu de la grupo CITIC en Hongkong, kun valoro de 1.9 miliardoj da usonaj dolaroj.

    Rong Yiren naskighis en Wuxi de Jiangsu-provinco. Li estas posteulo de la fama china nacikapitala entrepreno de Rong-familio. En 1937 li diplomighis el la universitato Sankta John de Shanhajo kaj farighis asistanto kaj administranto de la faruna fabriko Maoxin de Wuxi. Poste li farighis direktoro de Hefeng-kompanio de Shanhajo kaj direktoro kaj adiministranto de Sanxin-banko de Shanhajo. Li estas reprezentanto de 26 entreprenoj de Rong-familio en la kampoj tekstila, prestinktura, farura kaj mashin-fara.

    S-ro Rong estis vicurbestro de Shanhajo kaj vicministro de la Tekstila Ministerio de Chinio. En 1978, kiam Chinio komencis praktiki la politikon de reformado, la Grupo CITIC fondighis kaj RongYiren farighis ghia chefdirektoro. Post tio li estis prezidanto de la China Industria-komerca Federacio kaj membro de la Konstanta Komitato de la China Asocio de Demokratia Nacia Konstruado. En 1993 li estis elektita kiel vicprezidanto de Chinio.

2. Liu Yongxing kaj liaj fratoj

    Liu Yongxing, 52-jara, naskighis en Xinjin de Sichuan-provinco. Lia chefa entrepreno estas Grupo Espero kaj lia richajho en 1999 valoris miliardon da usonaj dolaroj.

    Inter la 500 grandaj chinaj civilaj entreprenoj komercaj kaj industriaj de 1999 la grupo okupis la 5-an lokon. En 1982 Liu kaj liaj fratoj sin okupis pri koturno-bredado per nur mil juanoj kaj fondis la faman civilan entreprenon -- Grupo Espero. En 1996 ili establis Novan Grupon Espero, kiu nun jam disvolvighis en grandan entreprenon (grupo) de prilaborado de agrikulturaj produktajhoj, produktado de brutonutrajho, dom-bieno, financo kaj investo. Ghi farighis unu el la plej grandaj privataj entreprenoj en Chinio, kun jara vendovaloro de miliardo de usonaj dolaroj.

3. Ren Zhengfei

    Ren Zhengfei estas 56-jara. Lia chefa entrepreno estas kompanio de Huawei-teknologio, fondita en 1988 en Shenzhen. Nun ghia jara vendovaloro jam atingis 1.5 miliardojn da usonaj dolaroj, kaj ghi okupas avangardan lokon en la china merkato pri GSM-instalajhoj, intershanghiloj kaj sistemo de konektaj instalajhoj.

4. Zhang Xingmin

    Zhang Xingmin, 42-jara, naskighis en Jiutai de Jilin-provinco. Chefa entrepreno: Grupo Hainan Xingbao. Richajho: 480 milionoj da usonaj dolaroj. En 1991 Zhang Xingmin sukcese faris negocon kun komercistoj el Rusio kaj profitis 24 milionojn da usonaj dolaroj. Akirinte eksport-importan rajton li plivastigis sian kompanion kaj en 1993 li sin ekokupis ankau pri dom-bieno.

5. Wu Yijian

    Wu Yijian, 40-jara, naskighis en Xi'an de Shaanxi-provinco kaj akiris magistrecon. Lia chefa entrepreno estas Grupo Shaanxi Jinhua Qiye. Lia richajho, kalkulate lau la kapitalo de 2000, valoras 422 milionojn da usonaj dolaroj. Li richighis per dom-bieno, kaj poste li sin okupis pri fabrikado kaj podetala vendo de medikamentoj, investado k.a. Li plurfoje gajnis provincan kaj shtatan premion por elstaraj entreprenistoj. Li estas membro de la China Popola Kongreso.