|
|
Inter la
5-a kaj la 19-a de marto 1998 okazis en Pekino la Unua Sesio
de la Naua Tutlanda Popola Kongreso. Jen Jiang Zemin (meze),
Li Peng (la dua de dekstre) kaj Zhu Rongji (la dua de maldekstre)
inter la kongresanoj |
|
|
La Unua Sesio de la Naua
Tutlanda Popola Kongreso |
La shtataj organoj de la China Popola Respubliko inkluzivas
la jenajn:
La shtataj organoj de potenco -- la Tutlanda Popola Kongreso kaj
diversnivelaj lokaj popolaj kongresoj;
Prezidanto de la shtato;
La shtataj organoj de administrado -- la Shtata Konsilantaro kaj
diversnivelaj lokaj popolaj registaroj;
La shtataj gvidaj organoj de militaj aferoj -- la Centra Komisiono
por Militaj Aferoj;
La shtataj organoj de jughado -- la Plej Alta Popola Jughejo, diversnivelaj
lokaj popolaj jughejoj kaj specialaj popolaj jughejoj;
La shtataj organoj de leghokontrolo kaj akuzado -- la Plej Alta
Popola Prokurorejo, diversnivelaj lokaj popolaj prokurorejoj kaj
specialaj popolaj prokurorejoj.
Tutlanda Popola Kongreso
Kiel la plej alta shtata organo de potenco, la
Tutlanda Popola Kongreso havas la rajton de leghdono, dicidas gravajn
shtatajn aferojn, elektas membrojn de la Konstanta Komitato de la
Tutlanda Popola Kongreso, prezidanton kaj vicprezidanton de la shtato,
decidas liston de chefministro de la Shtata Konsilantaro kaj ghiaj
aliaj membroj, elektas prezidanton de la Centra Komisiono por Militaj
Aferoj kaj ghiajn aliajn membrojn, prezidanton de la Plej Alta Popola
Jughejo kaj tiun de la Plej Alta Popola Prokurorejo.
Chiu tutlanda popola kongreso dauras kvin
jarojn, kaj chiujare ghi okazigas unu sesion. Dum ghia fermiteco la
Konstanta Komitato havas la rajton pri shtata decidpovo. La Konstanta
Komitato konsistas el prezidanto, vicprezidantoj, ghenerala sekretario
kaj membroj. Nun Li Peng estas ghia prezidanto.
Inter la 5-a kaj la 19-a de marto 1998 okazis
la Unua Sesio de la Naua Tutlanda Popola Kongreso, kiu montras, ke
jam pasis la oka. La temo de la nova kongreso estis "Alte teni la
standardon de la teorio de Deng Xiaoping, unuighi kiel unu homo, lukti
en malfaciloj, labori kun entreprenemo kaj antauenpushi al la 21-a
jarcento la konstruadon de socialisma afero kun chinaj karakterizajhoj".
La ch. 3000 kongresanoj el diversaj partoj de la lando varme diskutis
kaj aprobis la registaran labor-raporon, faritan de Li Peng en la
nomo de la Shtata Konsilantaro, kaj aliajn raportojn pri la nacia
ekonomio kaj socia evoluo, elektis la estrojn de la novaj shtataj
organoj, ekzamenis kaj aprobis la projekton pri reformado de la strukturo
de la Shtata Konsilantaro. Tiel la kongreso turnis en shtatan volon
la grandiozan transjarcentan planon prezentitan de la 15-a Tutlanda
Kongreso de la Komunista Partio de Chinio kaj faris politikan kaj
organizan garantion por la moderniga konstruado de Chinio.
Prezidanto de la shtato
Lau la decido de la Tutlanda Popola Kongreso
kaj ghia Konstanta Komitato la prezidanto de la China Popola Respubliko
publikigas leghojn, nomumas au eksigas membrojn de la Shtata Konsilantaro,
publikigas dekretojn, akceptas alilandajn ambasadorojn, sendas au
revokas siajn plenrajtigitojn el eksterlando, sankcias au nuligas
traktatojn kaj gravajn interkonsentojn subskribitajn kun aliaj landoj.
Nun Jiang Zemin estas prezidanto de la China Popola Respubliko kaj
Hu Jintao ghia vicprezidanto.
Shtata Konsilantaro
Kiel centra popola registaro, la Shtata Konsilantaro
estas la plej alta shtata organo de administrado. Ghi praktikas la
leghojn ellaboritajn kaj decidojn aprobitajn de la Tutlanda Popola
Kongreso kaj ghia Konstanta Komitato, respondecas por ili kaj raportas
al ili sian laboron. En kadro de sia povo ghi difinas administrajn
rimedojn, ellaboras administrajn regulojn kaj publikigas decidojn
kaj dekretojn.
La Shtata Konsilantaro konsistas el chefministro,
vicchefministroj, shtataj konsilantoj, ministroj, komisionaj prezidantoj,
superrigardisto kaj ghenerala sekretario.
Centra Komisiono por Militaj Aferoj
Kiel gvida organo de militaj aferoj de la shtato,
la Centra Komisiono por Militaj Aferoj komandas la tutlandajn armitajn
fortojn el la Popola Liberiga Armeo, la Armita Polico kaj la Milicio.
Ghi konsistas el prezidanto, vicprezidantoj
kaj membroj. Nun Jiang Zemin estas ghia prezidanto.
Diversnivelaj lokaj popolaj kongresoj kaj popolaj
registaroj
Lau la nunaj administraj unitoj la shtato starigis
popolajn kongresojn kaj popolajn registarojn de provinco, autonoma
regiono, municipo, gubernio, urbo, subgubernio kaj urbeto kaj konstantan
komitaton de popola kongreso de gubernio kaj pli altaj niveloj.
Kiel shtataj organoj de potenco, la diversnivelaj
lokaj popolaj kongresoj havas la rajton dicidi pri gravaj aferoj de
la koncernaj lokoj. La popolaj kongresoj de provinco, autonoma regiono
kaj municipo havas la rajton ellabori leghojn kaj regulojn de la koncernaj
lokoj.
Kiel shtataj organoj de administrado, la diversnivelaj
lokaj popolaj registaroj respondecas por la popola kongreso kaj ghia
konstanta komitato che la koncerna kaj pli altaj niveloj, raportas
al ili sian laboron kaj plenumas chiuflankan administradon en la koncerna
loko.
Popola Jughejo
La popolaj jughejoj estas shtataj organoj de
jughado. Oni starigas la Plej Altan Popolan Jughejon de la shtato,
Altajn Popolajn Jughejojn de provincoj, autonomaj regionoj kaj municipoj,
mezajn kaj bazajn popolajn jughejojn che malpli altaj niveloj. Kiel
la plej alta shtata organo de jughado, la Plej Alta Popola Jughejo
respondecas por la Tutlanda Popola Kongreso kaj ghia Konstanta Komitato
kaj superrigardas la laboron de la diversnivelaj lokaj popolaj jughejoj
kaj armeaj jughejoj. Nun Xiao Yang estas prezidanto de la Plej Alta
Popola Jughejo.
La popolaj jughejoj publike traktas kazojn,
escepte de tiuj koncernantaj shtatajn kaj privatajn sekretojn kaj
tiuj de neplenaghulo. La akuzitoj havas la rajton sin defendi -- mem
pledi au peti advokaton, parencon au kuratoron defendi por iliaj kazoj.
Popola Prokurorejo
La popola prokurorejo estas leghokontrola
organo de la shtato. Ghia instalado respondas al tiu de la popola
jughejo. Nun Han Zhubin estas prezidanto de la Plej Alta Popola Prokurorejo.
La popola prokurorejo plenumas sian taskon,
uzante la leghokontrolan rajton. Ghi kontrolas la kazojn de renegato,
naci-splitisto kaj grava krimo; ghi kontrolas ankau la kazojn transdonitajn
de la polico kaj poste decidas pri aresto, akuzo au neakuzo; ghi faras
persekuton au subtenas persekuton kontrau kriminala kazo; kaj ghi
superrigardas la laborojn de la polico, popola jughejo, prizono kaj
punlaborejo.
Same kiel la popola jughejo, kiu havas la
rajton de memstara jughado, la popola prokurorejo lau legho uzas sian
rajton de memstara leghokontrolo kaj akuzado sen interveno de registaraj
institucioj, sociaj organizoj au individuoj kaj chiam sekvas la principon,
ke chiuj civitanoj estas egalrajtaj antau legho.
|
