En la 22-a de Julio la Subkomitato pri Landa kaj Regiona Agado kunsidis sub la gvido de Tomasz Chmielik. Ĝin ĉeestis la estrarano pri landa kaj regiona agado Hori Yasuo. Oni diskutis pri la raportado pri landaj agadoj en la estrara raporto, kie kutime sukcesoj aperas sed ne la problemoj, kaj krome la raportado tre dependas de la rutinoj de raportado en la diversaj landaj asocioj.

    Elirante el prezento pri bezono de plia kunlaboro en Afriko, la diskuto temis pri ebloj de kunlaboro ankaŭ ene de ĉiuj landaj asocioj kaj inter ili.

(Raportis Yu Tao kaj Niu Xueqin)