La 1-a ĝis la 4-a reaktoroj (de dekstre) de la 1-a nukleenergia centralo en Fukushima

    Matene de la 19-a de marto refunkcias la malvarmiga sistemo de la 5-a reaktoro de la 1-a nukleenergia centralo en Fukushima, kaj rekomenciĝis la akvo-cirkulado en basenoj de eluzitaj fueloj de la 5-a kaj 6-a reaktoroj.

    Laǔ japana novaĵ-agentejo Jiji, la Internacia Atom-Energia Agentejo raportis nokte de la 18-a de marto en Vieno, ke refunkcias la dizela generatoro por urĝa okazo de la 5-a kaj 6-a reaktoroj.

    Krome, malaltiĝis la temperaturo de la beseno de eluzita fuelo de la 5-a reaktoro.

    Refunkciado de la malvarmiga sistemo havas gravan signifon por basenoj de eluzitaj fueloj. La basenoj konservas eluzitajn fuelojn el la reaktoroj kaj malvarmigas ilin per la akvo-cirkulado, kaj ilia radiado estas ŝirmita. Kutime la temperaturo de la basenoj devas esti sub 25 celsiaj gradoj, tamen pro la interrompiĝo de elektroprovizo post la tertremo la temperaturo de basenoj de la 5-a kaj 6-a reaktoroj iam altiĝis ĝis ĉirkaŭ 60 celsiaj gradoj.

(Redaktoroj: Liu Sigong kaj Liu Zijia)