de DAI CHANGLAN

    La 22-an de aŭgusto Khalid Malik, reprezentanto de la Disvolva Programo de UN en Ĉinio, diris en Pekino: "En la pasintaj 7 jaroj post kiam Pekino gajnis rajton gastigi la Olimpikojn, Ĉinio ĉiam penadis prepari la Pekinajn Olimpikojn kaj la Pekinajn Handikapulajn Olimpikojn, kaj akiris rimarkindajn sukcesojn. La Olimpikoj ne nur kreis novan figuron de Pekino, sed ankaŭ profunde influas Ĉinion en kampoj de medio, publika higieno, edukado kaj la volontula spirito. Tiuj ĉi influoj daŭros post la 24-a de aŭgusto, kiam fermiĝos la Pekinaj Olimpikoj."

    Por realigi "verdajn Olimpikojn", Pekino investis multege en medioprotektado, konstruado de publikaj trafikaj instalaĵoj, sciencoj kaj teknologioj ktp. Ĉ. 200 entreprenoj estas fermitaj pro poluado, pli ol 90% da eluzita akvo estas traktita science, la natura gaso nun konsistigas 60% de fuelo liverita en Pekino, kaj tio en la jaro 2000 konsistigis nur 45%. Krome, Pekino ankaŭ aplikas novan normon de ellaso de aŭta vostogaso, kaj 4 mil aŭtobusoj de premita natura gaso estas transdonitaj al uzado, tio estas la plej granda aŭtobusa grupo uzanta naturan gason en la mondo.

    Khalid Malik diris: "Ĉio ĉi havas profundan influon, ĉar ili multe ŝanĝis nian vivon, kaj ni devas daŭrigi tiujn bonajn ŝanĝojn."