Akvokonservejo de la Tri Gorĝoj sur la rivero Yangzi, la plej granda akvokonservejo en la mondo, plenumos akvo-ellason en la venontaj tri tagoj por lukti kontraŭ la trosekeco, kiu plagas la provincon Hubei kaj sudajn provincojn de Ĉinio ekde februaro.

    La elfluokvanto de tiu ĉi akvo-ellaso atingos 7 mil kubmetrojn sekunde, t. e. pli ol 1.5 mil kubmetroj kompare kun tiu de la alirejo, prezentis Wang Hai, respondeculo de la buroo de la konstruo kaj administracio de la akvokonservejo de la Tri Gorĝoj sur la rivero Yangzi.

    La decido estis farita sabate de la centro de kontrolado pri inundoj kaj lukto kontraŭ la trosekeco ĉe la rivero Yangzi kaj en la socio Ĉina Korporacio Tri Gorĝoj kun la celo mildigi la trosekecon kaj fari la riveran transportadon normala sur Yangzi, la plej longa rivero de Ĉinio.

    La provinco Hubei, kie troviĝas la baraĵo de la Tri Gorĝoj sur la rivero Yangzi, suferas de la trosekeco la plej serioza en la pasintaj 50 jaroj. La trosekeco plagis ankaŭ aliajn provincojn en la malsupra baseno de la rivero Yangzi, kiaj Jiangxi kaj Hunan, ĉefaj regionoj de greno-produktado.

    Tio estas la dua urĝa akvo-ellaso de post la lanĉo de la baraĵo al la servo en 2006. La unua akvo-ellaso okazis en decembro de 2009 por certigi la trafikan servon sur la lagoj Dongting kaj Poyang, kiuj situas en meza kaj malsupra basenoj de la rivero Yangzi.

(el http://french.news.cn/environnement)

Redaktoro: Wang Lihua