La entrepreno BT Global Services en varbofilmeto uzis ankaŭ Esperanton; BTGS estas parto de la privatigita brita telefonentrepreno BT kaj havas tutmonde preskaŭ 40.000 dungitojn.

    En la filmeto kunlaborantoj priskribas la laboron de la entrepreno; en Esperanto oni aŭdas: "Ni kuntiras komunikaĵajn kaj retajn informteknologiajn servojn sekure kaj efike."

    La du minutojn longa varbofilmeto "Who we are, what we do" (http://www.youtube.com/watch?v=ZcotIKtONCA) (Kiu ni estas, kion ni faras) estas videbla ĉe Youtube; la du Esperanto-partoj troviĝas en la unua triono (http://www.youtube.com/watch?v=ZcotIKtONCA) kaj ĉe la fino (http://www.youtube.com/watch?v=ZcotIKtONCA). Aldone al Esperanto aliaj kunlaborantoj parolas en la franca, araba, nederlanda, ĉina, portugala, hinda kaj germana.

(el EsperantoLand)

Redaktoro: Niu Xueqin