La 12-an de novembro la Ŝanhaja Esperanto-Asocio okazigis en la Ŝanhaja Politeknika Universitato la fakan konsultadon “Lerno kaj studo de Esperanto” kiel unu el la aktivadoj de la 9-a Sociscienca Semajno de Ŝanhajo komencita en la 10-a de novembro de 2010.

    La agado allogis multajn studentojn, kiuj kun granda intereso konsultis pri la lingvo Esperanto kaj rilataj aferoj, kiaj uzado de Esperanto kaj kampoj kie aplikiĝas la lingvo.

    S-ro Wang Minhao, prezidanto de la Ŝanhaja Esperanto-Asocio, kaj s-ro Zhou Tianhao, ĝenerala sekretario de la Ŝanhaja Esperanto-Asocio, kiuj ĉeestis la agadon, donis respondojn al la studentoj respektive, kaj disdoniĝis surloke ĉ. 500 materialoj por diskonigi Esperanton presitaj de la asocio.

(Kontribuo de Wang Minhao el Ŝanhajo)