ROB MOERBEEK (Nederlando)

    Karaj samideanoj,

    Kompreneble interesas via monda ekspozicio. Dronante en laboroj mi ne havas tempon persone viziti la ekspozicion, kvankam mi havas grandan apetiton reviziti vian landon, kiun mi tuŝetis okaze de la du Universalaj Kongresoj de Esperanto okazintaj en Pekino.

    Interesus scii, kio plej gravas en la elmontrado de la moderna Ĉinio, do en vialanda prezento de via ekonomia/teknika progreso, sed certe ankaŭ pri via respektinde longa kulturo. Se vi havus okazon viziti la Nederlandan Pavilonon, simile min interesas scii kio plej frapas vian atenton.

    Kiel dirite, mi ne havas abundan tempon, sed ne mankas al mi interesiĝo pri la Ŝanhaja Monda Ekspozicio.

    Dezirante al vi sukcesan laboron, mi kore vin salutas.

Redaktoro: Wang Lihua