Kolombia esperantisto Ruben Torres transsendis al ni ret-mesaĝon el sia amiko Christine Theano en Haitio, kaj ni estas angoraj pri ŝi. Jen la mesaĝo:

    Saluton Ruben,

    Dankon pro via amikeco. Mi bone fartas sed ne tute mia familio. Mi perdis mian fraton kaj kelkajn aliajn membrojn de mia familio. En mia domo la muroj falis kaj nun ni dormas ekstere sur stratoj kaj ni timas eniri en la domojn kies strukturoj estas malbonaj.

    La fakultato de Lingvistiko kie loĝis nia centro falis kaj ni perdis ĉiujn niajn librojn kaj materialojn. Ĉiuj la studentoj de la fakultato mortis ankaǔ (ili ne estis esperantistoj).

     Denove mi vin dankas pro via amikeco.

    Amikeme via,

    Christine

(Kontribuo de Ruben Torres)

Redaktoro: Liu Zijia