Tuj post UK '2011 okazonta de la 30-a de julio ĝis la 5-a de aŭgusto, la Esperanto-urbo organizos la 3-an Kultur-Turisman Semajnon en Herzberg am Harz kun tre varia, bunta programo, kun multe da ekskursoj, vizitoj al Weimar, Erfurt, Göttingen, Wernigerode, Osterode, al la plej belaj lokoj de la regiono kaj de la belega, alloga Harz-montaro.

    La kulturaj programeroj en Herzberg enhavos ekkonon de la Interkultura Centro kaj la Esperanto-biblioteko, viziton al la Welf-kastelo kaj al la Esperanto-muzeo, muzikon, filmojn, prezentadojn, ludojn, kantadon, babiladon. Speciala evento estos la mezepok-stila urba festo "Spectaculum".

    Jen la aliĝilo kun la detala programo http://esperanto-urbo.de/download.php?did=91340201, informoj pri la partoprenkondiĉoj, ktp.

(el Esperanto-urbo)