La juna hungara instruistino Petra Smidéliusz kolektas grandajn sukcesojn en la argentina ĉefurbo Bonaero.

    BONAERO, 20.05.2011.

    La titolo de "Monda Ĉefurbo de Libro" estis donita de Unesko al la argentina ĉefurbo por la jaro 2011. Honore al tio estis konstruita grandega babelturo el 30 mil libroj, inter ili ankaŭ el pluraj Esperanto-verkoj. Argentina Esperanto-Ligo eluzis la bonan propagandeblon, enkonstruigis niajn librojn en la turon, eĉ akiris tri eblojn por prezento de Esperanto ĉe la festa podio.

    La Esperanto-programojn faris Petra Smidéliusz, hungara Espeperanto-instruistino, kiu ĝuste nun prelegvojaĝas en la argentina ĉefurbo.

    Legu kaj libere disvastigu la ĉi-kunajn PDF-formatajn artikolojn en ESPERANTO kaj en la HUNGARA. La artikoloj elŝuteblas ankaŭ en la DOSIERUJO

(El edukado.net)

Redaktoro: Ivanka Stoyanova