Belan jubileon, la 50-an Studsesion, klerigsemajnfinon festis 21 partoprenintoj, gastoj en la Germana Esperanto-Centro/ la Interkultura Centro Herzberg (ICH) inter la 18-a kaj la 20-a de februaro.

    Jen ĉapitroj el la interesa programo:

    -- Trarigardo de la sukcesa faka laboro, prezentado de la biblioteko, kolektaĵo, agadoj, ofertoj por studemuloj, staĝantoj (Peter Zilvar, Zsófia Kóródy);

    -- Principoj de la faka tradukado, tradukaj ekzercoj, diskutoj (Martin Brüggemeier);

    -- Didaktikaj ludoj por lingvo-instruado, vigligo de la kurs-horoj (Zsófia Kóródy);

    -- Uzi kantojn en la instruado -- ŝancoj kaj riskoj (Johannes Mueller);

    -- Esperanto-literaturo (unua periodo), bibliotekoj, kulturo (Peter Zilvar);

    Al la jubilea programo apartenis komuna vespermanĝo, babilado, rakontado pri personaj movadaj travivaĵoj, aŭskultado de pianomuziko de Johannes. Estas farebla sukcesa bilanco de la 12-jara kleriglaboro: multaj bonaj rezultoj, kapablaj trejnitoj, valora scienca, movada laboro.

    Bonvenon al la estontaj klerigsesioj en la herzberga Filio de GEA por Klerigado kaj Kulturo, Esperanto-Centro distingita de UEA pro elstara agado! Sube estas kelkaj fotoj pri la afero.

(el Esperanto-urbo)

Redaktoro: Wang Lihua

Ŝildo sur la muro de ICH: unu klerigcentro kun tri gravaj funkcioj

Distingo de UEA pro elstara laboro

La unuaj alvenintoj konatiĝas kun la Esperanto-centro, biblioteko.

Martin (maldekstre) gvidas la traduksesion.

Johannes klarigas pri instrucela uzeblo de muziko.

Zsófia prezentas, kiel uzi bildojn kaj didaktikajn ludojn por lingvo-instruado.

La prelegoj de Petro allogas multajn aŭskultantojn.

Muziko de Johannes vigligas la vesperan etoson.

Talenta muzikisto -- ravita publiko!

Rakontado pri personaj travivaĵoj kaj babila rondo

Junaj, maljunaj, novaj, malnovaj kursanoj kune festas la 50-an studsesion.

Belaj memoraĵoj restas la bondeziroj en la gastlibro.