Lumo, la korea staĝanto ĉe ICH en la Esperanto-urbo, havis la okazon kunveturi al Poznan kun Zsófia Kóródy, kiu prelegis en la vintra sesio de la Interlingvistikaj Studoj ĉe UAM. Zsófia reprezentis tie ankaŭ ILEI, kiu subvencias partoprenantojn en la unu-jara metodika kurso pri instrukapabligo.

    La kelktaga vizito donis ŝancon ĝui la fakajn prelegojn kaj konatiĝi ekz. kun Katalin Kovats, Ilona Koutny kaj Ziko van Dijk. Ni jam nun alvokis ĉiujn studemulojn partopreni en la 3-jara klerigado de la Interlingvistikaj Studoj, kiu komenciĝos en septembro de 2011. Sube estas kelkaj fotoj pri la urbo kaj pri la trejna sesio.

(el Esperanto-urbo)

Redaktoro: Wang Lihua

Bona kunlaboro dum la modelaj lecionoj

Prelego de Zsófia pri ILEI, movado, instruado

Bongusta tagmanĝo en amika rondo

Vizito al la kunvenejo de fervojistoj

Festa vespero, al kiu ankaŭ Lumo kontribuas per belega kanto en la korea lingvo kaj en Esperanto

Partoprenantoj de la interlingvistikaj studoj kaj la unu-jara ILEI-instruista trejna kurso

Indas viziti la urbon kaj rigardi la belegajn domojn sur la ĉefplaco.

La renesanca urbodomo meze de la foira placo

La impona katedralo, kies historio reiras al la 10-a jarcento

Adiaŭo Poznan, ĝis revido!