La 10-an de marto okazis la tria plena kunveno de la Unua Sesio de la Tutlanda Popola Kongreso (TPK). En la kunveno oni auskultis laborraporton de la Konstanta Komitato de TPK, vochdonis pri propono de reformado de organoj de la Shtata Konsilantaro kaj difinis rimedojn por elektado kaj nomumo.

Li Peng, prezidanto de la Konstanta Komitato de TPK, faris raporton pri ghia laboro al la 2892 reprezentantoj. Li konfirmis atingojn en leghofaro, superrigardo, laboro de reprezentantoj, propagando de legha sistemo, kontaktigho kun aliaj landoj kaj perfektigado de la Konstanta Komitato en la lastaj 5 jaroj. Li montris mankojn en la laboro, ekz. leghprojektoj pri superrigardo kaj civilaj aferoj atentataj de la reprezentantoj jam estis prezentitaj por ekzamenado, tamen ankorau ne estis aprobitaj; en kontrolo de praktikado de leghoj ekzistas formalismo; efika superrigardo bezonas plifortighon; la laboro de la reprezentantoj kaj la Konstanta Komitato bezonas plibonigon.

Fine Li Peng esperis plifortigon de leghofaro kaj altigon de ghia kvalito por formi en 2010 la socialisman leghan sistemon kun chinaj trajtoj.

Post ekzamenado en 2 tagoj la propono de reformado de organoj de la Shtata Konsilantaro estis aprobita. La nova Shtata Konsilantaro konsistos el 28 departementoj krom sia oficejo.

Rilata artikolo:

Projekto pri reformado de la strukturo de la Shtata Konsilantaro aprobita