La kvarafoja amendo de la konstitucio dauris 1 jaron vaste kolektante opiniojn de la popolo kaj la plej elstara karakterizajho de la chi-foja amendo estas amendi la konstitucion por la popolo. La amenda projekto, kies ekzameno estis komencita en la 8-a de marto, entenis multajn artikolojn koncernantajn la popolan vivon kaj senprecedence altiris la atenton de la tuta socio. Lau tiuj artikoloj oni povas vidi, ke la baza legho de la shtato spegulanta la popolan volon senchese perfektighas en amendo kaj pli kaj pli farighis dio defendanta kaj efektiviganta la plej bazajn interesojn de la popolo.

Kompenso por rekviziciita tero estis enskribita en la konstitucion

 La amenda projekto de la konstitucio multe reviziinta la rekvizicion de tero eksplicite diras, ke pro publika bezono la shtato povas lauleghe okupi au rekvizicii teron kaj donas kompenson.

En komparo kun la nuna konstitucio oni vidas, ke la amenda projekto aldonis gravajn vortojn “rekvizicio” kaj “kompenso”, por protekti kadre de la konstitucio la rajton de la kamparanoj pri tero. Kune kun la amendo, revizio de la legho de tera administrado rekte koncernanta la kamparanojn espereble estos komencita en la kuranta jaro.

Enskribo de “tri reprezentoj” en la konstitucion konformas al la popola volo

“Gvidate de Marksismo-Leninismo, Mauzedong-penso kaj Dengxiaoping-teorio” en la antauparolo de la konstitucio estis reviziita kiel “Gvidate de Marksismo-Leninismo, Mauzedong-penso, Dengxiaoping-teorio kaj la grava penso de ‘tri reprezentoj’”. La cheestantoj de la du sesioj opiniis, ke meti la gravan penson de “tri reprezentoj” sur la gvidan pozicion en la politika kaj socia vivo de la shtato estas agado progresanta kun la epoko kaj konforma al la popola volo, ke tio certe liveros potencan teorian armilon kaj ideologian garantion por rapidigi antauenpushon de la socialisma moderniga konstraudo.

Enskribo de la nacia himno en la konstitucion disvolvas la nacian spiriton

“Al lukt’, ni chiuj ne sklavvolaj! Dedichu l’ sangon por la kre’ de nova Grandmur’!” Audante la melodion de la himno, chiuj sentas bolanta la sangon. 

En marto de 2004 la Dua Sesio de la Deka Tutlanda Popola Kongreso ekzamenis la amendan projekton de la konstitucio, kiu difinis la kanton “La Marsho de Volontuloj” kiel la nacian himnon.

“Miloj ni konkorde spite malamikkuglojn marshu!” La majesta kanto kuraghigis la bravajn chinojn al morta batalo por savi la nacion. Hodiau la kanto daure disportas la neflekseblecon de la china nacio kaj kuraghigas la chinojn en peniga konstruado de la lando.

Enskribo de “tri civilizacioj” en la konstitucion donas novan medion por harmonia disvolvigho

Posttagmeze de la 8-a de marto Wang Zhaoguo, vicprezidanto de la Konstanta Komitato de la Tutlanda Popola Kongreso, diris eksplikante la amendan projekton de la konstitucio, ke la konstitucio ekhavos enhavon movantan harmonian disvolvighon de la materia, politika kaj spirita civilizacioj. La kunvenantoj varme respondis al tio opiniante, ke skribi la “tri civilizaciojn” en la konstitucion leghe garantios harmonian disvolvighon de la “tri civilizacioj”.

Skribi homajn rajtojn en la konstitucion malfermis novan paghon de protektado de homaj rajtoj en Chinio

“La konstitucio de la nova Chinio chiam havis klarajn kaj konkretajn difinojn pri protektado de homaj rajtoj, sed hodiau ni skribis ke ‘la shtato respektas kaj protektas homajn rajtojn’, tio estas senprecedenca. Tio pruvis, ke Chinio ekstreme akcentas la problemon pri homaj rajtoj,” diris Zhu Muzhi, honora prezidanto de la China Instituto pri Homaj Rajtoj. 

Protektado de homaj rajtoj de Chinio iris zigzagan vojon en la pasinteco. En la malnova Chinio estis preskau nulo por homaj rajtoj. En 1954 la unua konstitucio de la nova Chinio estis aprobita, kaj estis starigita la fundamenta socia kaj politika sistemo akcelanta kaj protektanta homajn rajtojn, kio komencis novan eraon por la disvolvigho de homaj rajtoj de Chinio. Post tio protektado de homaj rajtoj en Chinio iam iris zigzagan vojon.

Privataj domoj ne povas esti arbitre malkonstruitaj

“En domon de malrichulo povas eniri vento kaj pluvo, sed regho ne”, tiu klasika fablo akcentis protekton, respekton kaj estimon de la socio al la privataj posedajhoj de civitanoj. La amenda projekto ekzamenata de la la Dua Sesio de la Deka Tutlanda Popola Kongreso ekde la 8-a de marto klare difinis, ke “leghaj proprietajhoj de civitanoj estas neatenceblaj”, kio levis privatajn proprietajhojn de la civila rajto al la konstitucia rajto kaj vekis varman respondon en kaj ekster la sesio. 

Serioze influate de maldesktrema penso dum longa tempo, oni akcentis komunan posedantecon kaj bredo de kelke da kokoj au shafoj estis rigardata kapitalisma ago. Pro tio la socio dumlonge restis malricha kaj postighinta.

“Chio estas propra ekskluzive de suficha livero de kontingento al la shtato kaj kolektivo”. En 1978 en la kamparo de Anhui-provinco levighis reformado, kio klarionis la ampleksan reformadon tra la tuta lando kaj vekis grandan entuziasmon de la popolo por kreo de richajoj.