En 2001 Chinio komencis sian Dekan Kvinjaran Planon (2001-2005) de la Nacia Ekonomio kaj Socia Disvolvo, kaj la afero de laboro kaj socia garantio eniris en novan stadion de disvolvigho.
Chinio frontas pezan taskon de labordonado pro la granda loghantaro kaj reguligado de la ekonomia strukturo. La china registaro chiam prenas akcelon de labordonado kiel strategian taskon de la nacia ekonomio kaj socia disvolvo, metas malgrandigon de senlaboreco en la chefan celon de la makroskopa superrigardo de la nacia ekonomio, racie reguligas la labordonan strukturon, starigas labordonan sistemon direktatan de merkato kaj energie akcelas kreskon de nombro de laborakirintoj. Rezulte de tio fundamente stabilas la labordona situacio. Che la komenco de la kuranta jarcento Chinio nombris 1276.27 milionojn da loghantoj (neinkluzive de tiuj de Hongkong, Makao kaj Taiwan-provinco). 730.25 milionoj da chinoj havas laboron, kaj la registrita senlaboreco en la urboj estas 3.6%.
La china registaro persiste prenas ekonomian konstruadon kiel la centran laboron, instigas kreskon de labordonado pere de ekonomia kresko, praktikas pozitivajn labordonajn politikojn kaj alprenas diversajn efikajn rimedojn por energie akceli labordonadon.
Racie reguligi labordonan strukturon
Adaptighi al la reguligado de la industria strukturo kaj direkti industriojn kaj entreprenojn utilajn al labordonado. Samtempe kun aldono de investo por fundamenta konstruado, pozitiva grandigo de enlanda bezono kaj teno de rapida kresko de la nacia ekonomio, oni reordigis la industriajn politikojn por akcente disvolvi entreprenojn kun masiva laborado, precipe servajn entreprenojn kaj mez- kaj malgrandajn entreprenojn, kiuj povas doni laboron al multaj homoj. Oni aktive disvolvis ekonomion de kolektiva, privata kaj individua posedanteco kaj alprenis elastajn kaj multformajn labordonajn manierojn por multigi postenojn kaj larghigi labordonan kanalon.
Starigi labordonan sistemon direktatan de merkato
La china registaro instigas la labordonan principon “laborkapabluloj mem trovu laboron, merkata reguligado donu laboron kaj la registaro akcelu labordonadon”, instigas labor-akiron pere de justa konkurenco de senlaboruloj, subtenas la dungantajn entreprenojn en ilia memdecido pri nombro kaj kvalito de la dungitoj, kaj alprenas diversajn rimedojn por akceli formighon de labordona sistemo direktata de merkato. La informa reto de laborula merkato jam ekludis rolon, akcelis interfluon de informoj pri livero kaj bezono de laborkapabluloj, kaj helpis senlaborulojn akiri au reakiri laboron pere de laborula merkato. Por starigi laborulan merkaton kun kompleta sistemo, regula funkciado, perfekta servo kaj efika superrego, la china registaro faris en 100 urboj provon de scienca, regula kaj moderniga konstruado. En la lastaj jaroj la china registaro komencis esplori starigon de sistemo de preza formo de laborula merkato, disvolvis la fundamentan reguligan rolon de merkata sistemo en dispozicio de laboruloj, formigho de salajro kaj migrado de laboruloj.
Levi kvaliton de laboruloj
Por levi la kulturan kvaliton kaj profesian kapablon de la laboruloj, la china registaro alprenis diversajn metodojn por aktive disvolvi edukadon de diversaj specoj kaj praktikis la principon de samtempa akcento de legitimo de klereco kaj legitimo de profesia kvalifikiteco. 85% de la loghantaro de Chinio akiris naujaran devigan edukadon kaj funkcias pli ol 2000 ordinaraj superaj lernejoj kaj tiuj por plenkreskuloj kaj pli ol 80 mil ordinaraj mezlernejoj. Krome funkcias ankau multaj institucioj de diversaj niveloj de profesia trejnado por novicoj, laboruloj kaj senlaboruloj. Oni donas 1-3-jaran antaupreparan trejnadon al abiturientoj, kiuj ne sukcesis eniri en superajn lernejojn. Oni faris reguligon kaj regrupigon al la teknologiaj lernejoj kaj labordonaj trejnaj centroj kaj starigis sintezajn trejnajn bazojn, antauenpushis formighon de la sistemo “merkato direktas trejnadon kaj trejnado akcelas labordonadon”, praktikis la sistemon de legitimo de profesia kvalifikiteco kaj starigis la sistemon de profesia legitimo de elementa laboristo ghis supera teknikisto. Nun 80% de la laboruloj en chinaj urboj unuafoje akirintaj laboron havas klerecon de supera mezlernejo au estis trejnitaj je profesia tekniko, kaj 35 milionoj da homoj akiris adekvatan legitimilon de profesia kvalifikiteco.
Disvolvi la sistemon de labordona servo
Ekde la 80-aj jaroj de lasta jarcento Chinio jam starigis kaj senchese perfektigis la sistemon de labordona servo inkluzive de laborperado, profesia trejnado, senlaborula asekuro ktp. Pere de la sistemo de labordona servo oni donas al laborserchantoj direktadon, konsultighon kaj informadon, trejnas tiujn kiuj la unuan fojon serchas laboron, trejnas senlaborulojn por ilia nova laboro, donas senlaborulan asekuron kaj donas postenojn al homgrupoj malfortaj en laborserchado. La registaro kuraghigas disvolvighon de neshtataj laborperejoj kaj antauenpushas labordonan servon al plansetlejoj por formi multtavolajn reton de labordona servo.
Samtempa akcento de labordonado en la urboj kaj kamparo
En la china kamparo estas multaj superfluaj laborkapabluloj kaj serioza estas senlaboreco. La china registaro sufiche atentas tiun problemon kaj penas trovi novan elirejon por doni laboron al tiuj homoj kadre de praktikado de la strategio “Urbanizo” kaj “Disvolvo de la Nordoriento”. En tio Chinio formis fundamentan politikon en du flankoj. Unuflanke, doni laboron cheloke. Plene utiligi la indighenan richfontan avantaghon, aktive reguligi la ekonomian strukturon de agrikulturo kaj kamparo, disvolvi multprofitan kaj masivan agrikulturon, disvolvi neagrikulturajn okupojn en la kamparo, helpi kamparajn entreprenojn adaptighi al la konstruado de malgrandaj urboj, pligrandigi la skalon de konstruado de la fundamentaj instalajhoj de akvoadministrado, trafiko, elektra reto en la kamparo kaj disvolvi fundamentan edukadon kaj profesian trejnadon en la kamparo. Duaflanke, instigi senlaborajn kamparanojn havi laboron en aliaj lokoj. Sukceso de la reformado en la kamparo multe levis la agrikulturan produktivecon, kaj superfluaj laborkapabluloj komencis migri de la kamparo al urboj, de la landinterno al la orientaj apudmaraj regionoj. La china registaro aktive helpas la superfluajn laborkapablulojn labori en aliaj lokoj kaj trejnas ilin antau ilia foriro pere de informa interreto kaj laborperado, aranghi bonordan elfluon de superfluaj laborkapabluloj, altigi la pocentojn de ilia labor-akiro kaj starigi labordonan sistemon de ambauflanka interfluo de elmigrantoj kaj revenantoj intencantaj krei karieron en la hejmlokoj. Nun 100 urboj kaj gubernioj starigis 1000 ekzamenajn punktojn por fluo kaj laborigo de la kamparaj laborkapabluloj por analizi la fluon kaj bezonon de kamparaj laborkapabluloj, ghustatempe publikigi informojn kaj raciigi la fluon de la kamparaj laborkapabluloj.
