Lastatempe Zhao Tiechui, vicdirektoro de la China Shtata Administracio de Laborsekureco konigis la situacion de laborsekureco de Chinio en 2003 kaj ghian tiuflankan laboron por 2004. Li diris, ke en 2003 plibonighis la situacio de laborsekureco en Chinio. La nombro de diversaj akcidentoj reduktighis je 10.5% kaj tiu de mortintoj pro labor-akcidento je 1.9%. En 2003 la laborsekureco konis ghojindan progreson chefe en jenaj flankoj:

1. Fruktis la pluapasha traktado de laborsekureco.

2. Efikis la kontrolado de laborsekureco. Serioj da kashitaj dangheroj estis malkovritaj kaj solvitaj, tio akcelis plenumadon de laborsekureco-garantiaj rimedoj.

3. Rapidighis konstruado de legha sistemo pri laborsekureco. La China Shtata Administracio de Laborsekureco publikigis regularojn de 16 departementoj kaj ankau koncernaj lokaj administracioj elmetis respondajn leghojn kaj regularojn.

4. Estis multe plifortigitaj administrado de laborsekureco kaj ekzamenado de sekureco en karbominejo.

5. Estis aplikata la sistemo de sekureco-jughado de entrepreno. Ghis la fino de 2003 chiuj karbominejoj de Chinio kaj 70% da aliaj minejoj kaj entreprenoj produktantaj kaj konservantaj dangherajn kemiajhojn plenumis la jughadon.

6. Komplete startis konstruado de la sistemo de kontrolado de laborsekureco. Ankau 31 provincoj de Chinio, 77% de ghiaj urboj kaj 65% de ghiaj gubernioj starigis sian sendependan administracion de kontrolado de laborsekureco.

7. Estis pluapashe akcelitaj propagando kaj edukado pri laborsekureco, kaj plimultighis internaciaj intershanghoj kaj kunlaboroj.

Rigardinte la situacion de laborsekureco de Chinio en 2003, oni faros en 2004 la jenon por laborsekureco:

1. Akceli kaj perfektigi konstruadon de la sistemo de laborsekureca kontrol-normo kaj pluapashe plifortigi respondecon de lokaj registaroj.

2. Daure perfektigi traktadon de laborsekureco, doni grandan forton por solvi problemojn en entreprenoj kaj sferoj, en kiuj evidentas dangheroj.

3. Popularigi la aktivadon de normigo de laborsekureco-kvalito, plifortigi la fundamentan sekuran laboron en chiuj enreprenoj; starigi la sistemon de memregado kaj daura plibonigo de laborsekureco en entreprenoj.

4. Efektivigi la strategion “Grandigi laborsekurecon per scienco kaj tekniko”, plialtigi la nivelon de laborsekureco per scienca kaj teknika progreso.

5. Perfektigi la leghan sistemon de laborsekureco kaj plifortigi administracion de kontrolado de laborsekureco; kaj chiuflanke praktiki “Leghojn de laborsekureca licenco”.

6. Rapidigi konstruadon de urgh-sava sistemo de la nacia laborsekureco kaj plialtigi la kapablon de savado de suferantoj en gravaj dangheroj.

7. Akceli konstruadon de sekureco-kulturo kaj plifortigi koncepton de la popolanoj pri laborsekureco.

8. Respondi al bezono de nova situacio kaj novaj taskoj, kaj efektive plifortigi konstruadon de legho-plenumaj teamoj.

Jen la celo por la nacia laborsekureca regad-normo: plie redukti la nombron de mortintoj pro diversaj akcidentoj je 2.5% kompare kun tiu de la pasinta jaro; daure plibonigi la situacion de laborsekureco en chefaj entreprenoj kaj sferoj, multe malaltigi la mortokvanton en karbominejoj kaj sur shoseoj; kaj malmultigi gravajn akcidentojn.