La 8-a de marto estis limdato de akcepto de proponoj al ChPPIK. Ghis la 17-a horo de la 8-a la proponokolekta grupo de la sesio ricevis 4312 proponojn. 

La proponoj estis prezentitaj de unuoj kaj membroj al la Tutlanda Komitato de ChPPIK au ghia konstanta komitato. Post ekzameno de la Ekzamena Komisiono au Proponokolekta Komisiono la proponoj estis transdonitaj al koncernaj unuoj, kaj oni postulas, ke chiu propono devas ricevi solvon kaj respondon. 

Koncerna respondeculo de la proponokolekta grupo de la sesio konigis, ke chi-jaraj proponoj havas pli altan kvaliton kaj enkorpigas seriozecon, sciencecon kaj praktikeblecon. Lau analizo pri la chi-jaraj proponoj oni povas trovi, ke la komitatanoj de ChPPIK tre atentas la centran laboron de la kompartio kaj la shtato, prizorgas konkretajn problemojn strikte koncernantajn la produktadon kaj vivon de la popolo kaj aktive prezentas la socian staton kaj popolon deziron, ekzemple problemo de la kamparo, agrikulturo kaj kamparanoj, problemo de labordonado, sistemo de socia garantio, edukado, kulturado de talentuloj, reprosperigo de la malnovaj industriaj bazoj en Nordoriento kaj aliaj lokoj de Chinio, protektado de ekologia medio, sistemo de socia kredito kaj problemo de diferenco de enspezoj.