Je la 11-a horo matene de la 4-a de marto la Dua Sesio de la Deka Tutlanda Popola Kongreso (TPK) okazigis gazetaran konferencon en la Popola Halo en Pekino. Jiang Enzhu, proparolanto de la dua sesio de la kongreso, konigis al la chinaj kaj alilandaj raportistoj koncernajn aferojn de la nomita sesio kaj respondis iliajn demandojn.

Rememorante la laboron de la konstanta komitato de la kongreso en la pasinta jaro, li diris, ke 2003 estis la unua jaro por la Deka TPK, en kiu la konstanta komitato de TPK prenis la teorion de Deng Xiaoping kaj la gravan penson de “Tri Reprezentoj” kiel sian gvidilon, serioze plenumis siajn devojn, faris multon por regi la landon per leghoj kaj akiris novajn progresojn en leghodonado, kontrolado, memkonstruado kaj aliaj flankoj.

Koncerne kontroladon fare de la popola kongreso, Jiang diris, ke lau la konstitucio kaj aliaj leghoj, la registaro, kortumoj kaj prokurorejoj devas respondeci por la popola kongreso kaj estas kontrolataj de ghi. En la pasintaj jaroj la diversnivelaj popolaj kongresoj de Chinio faris aktivan esploradon kaj praktikadon en tiu flanko, akcelis lauleghan administradon kaj justan plenumadon de la leghoj, kaj la tutlanda komitato de la popola kongreso plene subtenis la lokajn popolajn kongresojn en esplorado chi-flanka, resumis kaj asimilis ilian sperton.

Koncerne revizion de la konstitucio, Jiang diris, ke la konstitucio difinis, ke la Komunista Partio de Chinio estas gvida kerno de la socialismaj aferoj de Chinio, ghi estas partio en potenco kaj revizio de la konstitucio estas grava afero en la politika vivo de Chinio. Unu el la gravaj devoj de la reganta partio estas fari proponon pri leghdonado kaj pere de la legha procedo fari sian platformon shtata volo. Tio estas grava esprimo de la Komunista Partio de Chinio regi la landon lau leghoj.

Jiang diris ankau, ke la konstitucio havas artikolon pri protekto de leghaj privataj richajhoj kaj en la chi-foja revizio oni perfektigos ghin. Jiang diris, ke ekde praktikado de reformado kaj pordmalfermo, dank’ al ekonomia disvolvigho kaj plibonigho de la popola vivo multighis la privataj richajhoj de la chinaj civitanoj kaj multaj el ili havas privatajn produktajn rimedojn kaj deziras lauleghe protekti siajn richajhojn, tial la reviziota konstitucio devas pliklarigi kaj perfektigi la difinon de la konstitucio pri protekto de la privataj richajhoj.

La dua sesio de la kongreso inaugurighos je la 9-a horo matene de la 5-a kaj fermighos posttagmeze de la 14-a de marto.