Nordoriento, malnova industria bazo de la nova Chinio, estas regiono kun kompare bona industria sistemo, konstruita en la 50-aj kaj 60-aj jaroj de la 20-a jarcento, kiam la china registaro asignis grandajn monsumojn por strategiaj industrioj kaj gravaj entreprenoj. Dank' al kelkdekjara konstruado la loko havas relative grandajn strategiajn industriojn kaj gravajn entreprenojn kun energioj, krudmaterialoj kaj ekipajho-fabrikado, kiuj trovighas chefe en Shenyang, Changchun, Harbin kaj Dalian. La malnova industria bazo de la Nordoriento faris gravan kontribuon al konstruo de la kompleta industria sistemo, disvolvigho de la nacia ekonomio, moderniga konstruado, reformado kaj pordmalfermo, tamen de post la 80-aj jaroj de la 20-a jarcento, kiam Chinio transiris de la sistemo de planizita ekonomio al la sistemo de socialisma merkata ekonomio, malkashighis multe da problemoj en la ekonomia sistemo kaj industria strukturo kaj influoj de la planizita ekonomio, kiuj serioze malhelpis la ekonomian disvolvighon de la loko.

La chinaj autoritatoj scias, ke por denove prosperigi la malnovan industrian bazon de nordorienta Chinio oni devas komplete nuligi trajtojn de la planizita ekonomio, radikale rompi malhelpon de la malnova ekonomia sistemo kaj fari chion eblan por la kompleta, harmonia kaj daura disvolvigho de la ekonomio de la Nordoriento kun plialtigo de la totala kvalito de la tiea ekonomio kaj konkurenca kapablo de la ekonomio survoje de la nova industriigo kiel la ghenerala postulo. Por diri simple, tio estas kreado.

Shlosilo por daura disvolvigho

Kompare kun sudorientaj kaj sudaj chemaraj urboj de Chinio, la tri provincoj de la Nordoriento estas postighintaj en la ekonomia sistemo kaj en tio, ke la koncepto pri merkata ekonomio ne bone evoluis kaj la shtataj entreprenoj portas tro multe da historiaj sharghoj kaj la privataj entreprenoj estas tro malgrandaj. Chu oni sukcesos prosperigi la tiean ekonomion au ne, tio dependas de rapida elkulturo de la merkata ekologio de la privata ekonomio en mallonga tempo pere de reformado de la sistemo. Oni devas bone disvolvi la merkatan rolon en utiligo de la richfontoj, kaj struktura reguligo, teknika reformado kaj reorganizo de la entreprenoj devas esti deciditaj de la merkato, dum la tasko de la registaro estas ellabori projektojn kaj politikojn kaj krei favoran medion por investado, entreprenado kaj disvolvado.

Kompare kun la granda ekonomia disvolvigho en la okcidenta parto de Chinio, la ekonomia reformado de la Nordoriento estas tre malfacila. Antaue la okcidenta parto estis malforta ekonomie kaj por ghi estas kompare facile fondi ekonomiajn establojn, sed la Nordoriento estas multe komplika en diversaj kondichoj kaj oni devas nuligi iujn entreprenojn kaj denove establi ilin, tial oni devas bone trakti la ekzistantajn establojn kaj antau chio solvi la problemon pri shuldoj, inkl. la malignan kapitalon de la banka sistemo, salajroj shuldataj de la entreprenoj al la laboruloj kaj pensiuloj, grandsumajn shuldojn en la socia garantio kaj shuldon al ekspluato de la naturaj richfontoj. La shlosilo por solvi tiun problemon estas, kiamaniere la diversnivelaj registaroj traktas la shtatajn richajhojn. Char estas la registaro, kiu kauzis tiun problemon, tial la registaro devas ludi chefan rolon por prosperigi la ekonomion de la Nordoriento pere de akcelo de la merkata disvolvigho, bonordigo de la medio por merkatigho ktp.

Kompreneble, la nunaj naturaj kondichoj kaj homaj richfontoj en la Nordoriento estas multe pli bonaj ol tiuj en la okcidenta parto de Chinio kaj tial la ekonomia disvolvigho en la Nordoriento devas esti multe pli rapida ol en la okcidento.

Kiel prosperigi la ekonomion de nordorienta Chinio?

Prosperigi la ekonomion de nordorienta Chinio estas tasko grava kaj malfacila, kaj por solvi tiun problemon oni devas havi novajn pensmanieron, sistemon, mekanismon kaj metodojn realajn kaj efikajn.

Unue, nova pensmaniero. Oni ne devas sole pliigi investadon, konstrui novajn establojn kaj dependi sole de la shtata subtenado, sed dependi chefe de la merkata sistemo kaj plene disvolvi la funkciojn de la merkato en la richfonta reguligado. Kaj krome, por akceli la scienc-esploran kaj teknikan progreson, oni devas plene disvolvi la relativan avantaghon de la tieaj industrioj, reformi la tradiciajn industriojn kaj levi ilian nivelon, levi la konkurencpovon de la entreprenoj kaj realigi la radikalan shanghighon de la ekonomia kreskado.

Due, daura reformado. Oni devas profundigi reformadon de la shtataj entreprenoj, kaj pli forte retiri la shtatan kapitalon el la ordinara konkurenca kampo, realigi la plurismon de investaj ento kaj proprieto, iom post iom konstrui viglan sistemon de la modernaj entreprenoj kaj akceli disvolvighon de la privataj entreprenoj, por ke chiuj laboristoj, intelektuloj, teknikistoj, administrantoj kaj kapitaloj pli rapide disvolvighu.

Trie, daura pordmalfermo. Oni devas chiamaniere altiri alilandajn entreprenistojn al reguligo kaj reformado de la malnova industria bazo. La chinaj entreprenoj devas aktive labori sur la internacia merkato kaj altiri al si multe da kapitaloj, starigi mondan reton por altiri al si alilandajn investantojn, kunlabori kun internacie famaj entreprenoj, levi la nivelon kaj pliigi la skalon de altiro de eksterlandaj investantoj kaj enkonduko de alilandaj kapitaloj.

Kvare, teknika reformado. Oni devas koncentri la homajn, materiajn kaj financajn fortojn al gravaj entreprenoj por atingi rimarkindajn sukcesojn en esplorado de gravaj produktajhoj kaj teknika reformado. Oni devas kiel eble plej efike utiligi la ekzistantajn kapitalojn por malfermi novan vojon de la teknika transformado kaj komplete levi la nivelon de la produktajhoj.

Kvine, praktiki personaran strategion. Oni devas konstrui grandan personaran armeon kun sufiche da altkvalitaj homoj kaj racia strukturo. Oni devas havi merkatan koncepton pri la personaraj richfontoj, krei novan sistemon pri taugaj funkciuloj, plirapidigi konstruadon de la personara merkato kaj intensigi kunlaboron kun famaj chinaj altaj lernejoj por kulturi altklasajn kapablulojn de publika administrado kaj pere de studado kaj trejnado levi la kvaliton de la laboruloj.

Sese, harmonia disvolvigho ekonomia kaj socia. Oni devas strikte kombini disvolvighon de la urba ekonomio kun la kampara, akceli ilian harmonian disvolvighon, strikte kombini la ekonomian disvolvighon kun tiu de la sociaj aferoj por akceli la harmonian disvolvighon de ekonomio kaj socio kaj tiun de la scienc-teknika, eduka, kultura, higiena, sporta kaj aliaj aferoj. Oni devas plenenergie disvolvi la scienc-teknikan industrion, kuraghigi la sciencajn kaj teknikajn laborantojn fondi scienc-teknikajn entreprenojn, akceli transformadon de la scienc-teknikaj fruktoj en la realajn produktajn fortojn, pliigi investon al la edukaj aferoj kaj pligrandigi la proporcion de la enlernejaj geknaboj kaj levi la homan kvaliton.