Aini-oj, kiuj vivas en la gubernio Menghai de la subprovinco Xishuangbanna, estas unu el la sep brancxoj de Hani-nacio kaj konsistigas cx. 8% de la hani-oj. Iliaj vestoj kaj ornamajxoj estas tre distingigxaj. Ili sxatas vestojn faritajn el malhele blua sxtofo teksita kaj tinkturita de ili mem. La viroj portas veston dekstre butonatan kun du vicoj da grandaj argxentaj pecoj kaj nigran turbanon surkape. La virinoj portas veston dekstre butonatan sen kolumo, mallongan jupon kaj kolieron el bidoj. Ili sxatas cxirkauxvolvi la krurojn kaj vesti la kapon per kvadrata cxapo kun malgrandaj argxentaj pufoj kaj bidoj. La knabinoj portas cxapon kun bidoj cxirkaux la rando kaj kun frangxoj pendantaj cxe la oreloj.