Filozofio kaj realo
(Poemoj)
MAO ZIFU*:
Pordo
nenio estas pordo.
tra gxi povas pasi cxio
forma aux senforma.
kaj kia poz' ne gravas -
stara aux rampa.
pordo estas cxio.
nenio trans gxin povas pasi,
nek forma nek senforma.
pordoj simbolo nuras
sur solida muro.
ecx tiel, cxiam kun seruro.
sen seruro pordoj estas fenestroj.
Akvo kaj aero
nebulo
el akvo
drivas tra sur aero.
nuboj
de akveroj
super aero flosas.
aero ventigxas.
akvoj sin interbatalas
per sango kaj larmoj de aero.
akvoj sub aero
fluas infre inferen.
aero estas aero.
Aritmetiko
se ne estus la serpento.
se ne la arbo.
se unu ne igxus du.
gravito el du.
du en gravito.
du unuigxemas.
se ne estus unu,
la du ne trovigxus.
se la du sin disigas,
la unu nulas.
aritmetikon la infanan
ne komprenas plenkreskuloj.
Krepuske
krepuske
cxe fenestro
inter pozitiv' kaj negativo
nulo pulsas tra fluidoj.
montaro elmergigxas.
folioj sinetende
aux male estas sub okuloj.
vivo kaj morto
lauxas sur eterno.
flugaj nagxaj
rampaj kuraj.
en mia busxo
kaj mi el en tero
uf
Por kio
frukto for de arbo
por mangxati.
fisxo el akvo
por pecigati.
vi for de mi
por kio?
la manoj apenaux premitaj
disas palpebrume.
semo for de trunko
por nova vivo.
fisxo el akvo
por eviti sufokigxon.
vi
for
de
mi
por kio?
hardi niajn plumojn!?