Ĉefpaĝo | E-novaĵoj | Aktuala temo | Socia Vivo | Ekonomio | Naturo kaj Mediprotekto | Kulturo,Scienco kaj Sporto | Vojaĝo tra Ĉinio
Aŭstralia ekonomikisto: APEK malpliigas necertecon en la mondo
2026-11-19

"La Azia-pacifika komunumo devus esti lumturo por aliaj partoj de la mondo," diris Peter Drysdale, fama aŭstralia ekonomikisto. Kiel estro de la Orient-Azia Buroo pri Ekonomia Esplorado kaj la Orient-Azia Forumo ĉe la Lernejo pri Publika Politiko Crawford de la Aŭstralia Nacia Universitato, Drysdale diris, ke projekcii komunajn interesojn per APEK (Azi-Pacifika Ekonomia Kunlaboro) kaj konstrui sur la fondaj principoj de APEK estas grava ne nur por la regiono, sed ankaŭ por la tuta mondo.


"Ĝi provizas aron da principoj, kiuj estos absolute fundamentaj por solvi la malfacilaĵojn, kiujn ni havas en la mondo hodiaŭ," li diris, rimarkante, ke ĝi "malpliigas la necertecon en la mondo, kreas pli da certeco."


"Malpliigi necertecon estas afero de konstruado kun konfido en la kunlaboroj, per kiuj ni solvos la ekonomiajn kaj politikajn problemojn alfrontatajn de ni hodiaŭ," li diris.


Drysdale alte taksis la rolon de Ĉinio en faciligado de kunlaboro en la regiono Azi-pacifiko. Rimarkante, ke la azi-pacifika komunumo estas eĉ pli grava nun, li atribuis la pli gravan rolon de la regiono por la mondo ĉe la kampoj de modernigo kaj industriigo.


Estinte en Ĉinio tiom multajn fojojn, Drysdale diris, ke la ŝanĝo en Ĉinio estis rimarkinda. "Sed kunlaboro ne ŝanĝiĝis", li diris.


Pri la grava rolo de Ĉinio en tutmondaj aferoj, Drysdale diris, ke la 33-a Kunveno de Gvidantoj de APEK estas "okazo, kiun la tuta mondo atendas," kaj "Azio kaj la Pacifiko fariĝis tiom gravaj subtenoj por monda malfermeco."


Redaktoro: Xie Ruifeng







Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat


(C) China Internet Information Center (Ĉina Interreta Informa Centro)
Retpoŝto: elpopolachinio@126.com    Telefono: +86-10-68995930, 68327167    Adr.: P.O.Kesto 77, Beijing CN-100037, Ĉinio