Floice Mukabana, ĉefa plenuma oficisto de la Kenja Agentejo por Eksporta Antaŭenigo kaj Markigo, diris, ke la 9-a Ĉina Internacia Importa Ekspozicio (ĈIIE) ofertas strategian platformon por kenjaj komencantoj montri altvalorajn, spureblajn kaj atestitajn produktojn en la vasta ĉina merkato, samtempe ĝi helpas homojn konstrui longtempajn rilatojn inter aĉetantoj, importistoj kaj distribuistoj. Kenjo utiligos sian partoprenon en la 9-a ĈIIE, okazonta en Ŝanhajo de la 5-a ĝis la 10-a de novembro, por akceli eksportojn de ĉefaj agrikulturaj produktoj al la ĉina merkato. "Kenjo antaŭĝojas partopreni en ĈIIE, kiu estas ŝlosila platformo por aliri al la ĉina merkato," diris Mukabana.

Ŝi rimarkigis, ke ĈIIE kunigos ĉinajn importistojn, distribuistojn, retkomercajn operatorojn kaj aliajn fakulojn sub unu tegmento, ebligante al kenjaj entreprenoj de ĉiuj grandecoj profundigi komprenon pri merkataj postuloj en Ĉinio.

Laŭ Mukabana, kenjaj eksportantoj ankaŭ havos oportunojn interagi kun ĉinaj kolegoj, "ĈIIE ludas tre gravan rolon por kenjaj eksportantoj, precipe malgrandaj kaj mezgrandaj entreprenoj," diris Mukabana.

"Por ni, Ĉinio estas tre grava komerca partnero, donante al ni merkatan aliron kaj helpante nin pretiĝi por komerco. Kenjaj eksportantoj fervore deziras interagi kun la ĉina merkato kaj maksimume utiligi la oportunecojn, kiujn ĝi ofertas," ŝi aldonis.

Kenjo estas inter la 53 afrikaj landoj rikoltantaj la fruajn fruktojn de la ĉina sen-tarifa politiko, kiu ekvalidis la 1-an de majo, diris Mukabana, emfazante la kreskantajn eksportojn de teo, kafo kaj avokado al la ĉina merkato.

La venonta ĈIIE estos ŝlosila por plue profundigi komercon inter Kenjo kaj Ĉinio, kaj ĝi faciligos la transdonon de la teknologioj kiel AI, kiuj estas esencaj por simpligi la proviz-ĉenojn, diris Mukabana.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat