La 20-a Centra Komitato de la Komunista Partio de Ĉinio (KPĈ) okazigis sian kvinan plenan sesion de la 26-a ĝis la 29-a de oktobro en Pekino. En la solena kunvenego oni adoptis la rezolucion pri persisto en kompleta kaj rigora memadministrado de KPĈ.

Laŭ la komunikaĵo publikigita post la kunveno, la Politika Buroo de la Centra Komitato de KPĈ prezidis la kunvenon. Xi Jinping, ĝenerala sekretario de la Centra Komitato de KPĈ, faris gravan paroladon. En la sesio, la partoprenantoj aŭskultis kaj diskutis raporton pri la laboro de la politika buroo, prezentitan de Xi Jinping.

La komunikaĵo montras, ke la Centra Komitato de KPĈ plene aprobis la laboron de la politika buroo depost la kvara plena sesio de la komitato.

La Centra Komitato de KPĈ donis tre pozitivan taksadon pri la grandaj atingoj, kiujn la partio faris en la efektivigo de kompleta kaj rigora memadministrado en la nova epoko.

La komunikaĵo diras: "Estis emfazite, ke nun ekzistas multaj favoraj kondiĉoj por antaŭenigo de kompleta kaj rigora memadministrado de la partio, samtempe ni ankaŭ alfrontas multajn novajn cirkonstancojn kaj demandojn en tiu klopodo."

"Dediĉitaj al la plenumado de la misioj kaj taskoj de la partio, ni devas agi konforme al la ĝeneralaj postuloj pri la konstruado de la partio en la nova epoko, preni la partian statuton kiel nian fundamentan gvidilon, konservi la avangardan naturon de la partio, kaj subteni la ĝeneralan gvidadon de la partio kaj la centralizitan, unuecan gvidadon de la centra komitato de la partio."

En la sesio, la gvidaj principoj pri persisto en kompleta kaj rigora memadministrado de la partio estis emfazitaj jene: servi al la misioj kaj taskoj de la partio; konsideri politikan fortigon de la partio kiel la ĉefan principon; efektivigi rigoran administradon en ĉiuj aspektoj; adopti aliron direktitan al problemoj; subteni fundamentajn principojn kaj malfermi novajn vojojn; sekvi aliron de supre malsupren; kaj administri la partion laŭ la regularoj.

(el ĈRI)

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat