Ĉina prezidanto Xi Jinping kaj barata ĉefministro Narendra Modi sabate faris sinceran kaj profundan interŝanĝon de opinioj, kaj atingis gravan konsenton, ke Ĉinio kaj Barato devas esti partneroj. La du gvidantoj renkontiĝis okaze de la 18a Pintkunveno de BRICS en Nov-Delhio.

Xi Jinping diris, ke Ĉinio ĉiam rigardis kaj evoluigis siajn rilatojn kun Barato el strategia vidpunkto kaj kun longtempa perspektivo. Li aldonis, ke instituciaj interŝanĝoj inter la du landoj iom post iom rekomenciĝis, la listo de kunlaboraj kampoj daŭre kreskis, kaj la duflanka komerco atingis novan rekordan nivelon. Li alvokis, ke Ĉinio kaj Barato utiligu la politikan saĝecon de reciproka respekto kaj kompreno por venki malhelpojn, urĝante ambaŭ flankojn serĉi paralelan progreson en duflankaj rilatoj kaj limaj demandoj, tiel ke la du vojoj reciproke plifortigos unu la alian, por konservi pacon kaj trankvilon en limaj regionoj.

Modi diris, ke li havis plurajn produktivajn renkontiĝojn kun prezidanto Xi Jinping, kiuj gvidis la barat-ĉinajn rilatojn en pozitivan direkton, servante la komunajn interesojn de la pli ol 2.8 miliardoj da popoloj de ambaŭ landoj. Li diris, ke Barato ĉiam rigardas la dulandajn rilatojn el strategia vidpunkto kaj longtempa perspektivo, kaj pretas esti partnero anstataŭ rivalo de Ĉinio, kaj konsideri la disvolviĝon de unu la alia kiel ŝancon anstataŭ defio.

Li diris, ke Barato sekvas sendependan diplomatian politikon, kaj la disvolviĝo de la rilatoj kun Ĉinio ne estas submetita al la influo de iu ajn tria partio, kaj la politiko kaj pozicio de Barato pri la demandoj rilataj al Taiwan kaj Xizang restas senŝanĝaj, kaj ĝi ne permesas al iu ajn forto okupiĝi pri kontraŭĉinaj agadoj en Barato.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat