Sithembiso Bhengu, direktoro de la Instituto Chris Hani de Sud-Afriko, lastatempe diris, ke laŭ lia analizo, mem-reformado emfazas memdisciplinon inter partianoj kaj oficialuloj, kaj celas plibonigi socian administradon kaj antaŭenigi ĉinan modernigon. La emfazo de la Komunista Partio de Ĉinio (KPĈ) pri mem-reformado kaj evoluigo centrita je la popolo alportas valoran sperton al afrikaj landoj, kiuj celas plifortigi administradon kaj pliigi publikan fidon, tion diris la sudafrika politika analizisto.

Sithembiso Bhengu estas ankaŭ altranga esploristo ĉe la Sociologia Departemento de la Universitato de Johanesburgo. Li diris, ke la determino de KPĈ batali kontraŭ korupto kaj bremsi malŝparemon helpas plifortigi publikan fidon.

"Korupto kaj burokratia neefikeco forpuŝas la publikon kaj subfosas publikan fidon," li diris, aldonante, ke la esenco de politiko estas publika fido.

"Kiam homoj vidas, ke publikaj reprezentantoj laboras por ili anstataŭ por si mem, ili komencas kredi je la politika sistemo kaj disvolvi fidon je ĝi," li diris.

Li ankaŭ emfazis la signifon de evoluigo centrita je la popolo en Ĉinio, alportanta konkretajn kaj mezureblajn rezultojn anstataŭ abstraktajn sloganojn. Tio signifas redukti malriĉecon, plibonigi loĝadon, disvolvi transportadon kaj protekti la medion por estontaj generacioj.

"Se vi iras tien (Ĉinion), vi povas klare vidi la ŝanĝiĝojn en la vivoj de homoj, la forigon de (absoluta) malriĉeco kaj la kreadon de pli sekuraj spacoj por ke homoj vivu," konkludis li.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat