En la programo "Kune sur la Longa Marŝo", la raportistoj de la revuo El Popola Ĉinio vizitis konservan kaj kultivan bazon de kurac-plantaĵoj en Minxian-gubernio, Gansu-provinco. La loko estas produktejo de danggui (Angelica sinensis) kaj multaj aliaj tradiciaj ĉinaj kurac-herboj. Ili vizitis ankaŭ inteligentajn forcejojn, kie temperaturo, humideco, lumo kaj irigacio estas precize aranĝataj por helpi la kreskadon de la herboj.

Ili ankaŭ vizitis laboratorion, kie danggui estas studata per altnivela teknologio. De kvalitkontrolo kaj scienca esplorado ĝis evoluigo de aldonvalorigitaj produktoj, novigado helpas malkovri la potencialon de ĉi tiu tradicia kurac-herbo, kaj samtempe subtenas la kreskon de loka industrio.

Antaŭ preskaŭ 90 jaroj, Minxian estis unu el la gravaj lokoj sur la itinero de la Longa Marŝo. Hodiaŭ, la areo fariĝis grava centro por la kurac-herba industrio, kreante laborpostenojn kaj provizante stabilan enspezon por lokanoj. Ĝia disvolvado montras, ke lokoj konataj pro historio povas ankaŭ brakumi sciencon, teknologion kaj novigadon, kreante brilan estontecon.

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat