La 13-an de julio okazis diskoniga kunveno por la 5-a volumo de "Xi Jinping: Regado de Ĉinio" en Biŝkeko, ĉefurbo de Kirgizio.

La kunveno koincidis kun la 25-a datreveno de la Ŝanhaja Kunlabora Organizo (ŜKO). La partoprenantoj diris, ke ĝi estas signifoplena por reprezentantoj el ĉiuj sociaj rondoj en ambaŭ landoj. La partoprenantoj ankaŭ diskutis pri la libro.

La libro sisteme klarigas la teorion kaj praktikon de ĉina modernigo, vivece prezentas la perspektivon kaj programon de Ĉinio por konstrui homaran komunumon de komuna estonteco, kaj ĝi estas aŭtoritata verko por kompreni la ĉinan modernigon kaj nuntempan Ĉinion.

Ĝi ankaŭ provizas gravajn gvidliniojn al Ĉinio kaj Kirgizio por profundigi interŝanĝojn de spertoj pri administrado kaj plifortigi la harmoniigon de siaj evoluaj strategioj.

Legi la libron povas helpi homojn pensi pli profunde pri la rilatoj inter Kirgizio kaj Ĉinio, kaj pri la influoj al la resto de la mondo. La libro helpas instigi praktikan kunlaboron por antaŭenigi reciprokan lernadon inter civilizacioj.

Redaktoro: Xie Ruifeng

Facebook: Ĉina Fokuso / China Focus - Esperanto

Twitter: El Popola Chinio

WeChat: Skani la du-dimensian kodon por legi EPĈ en WeChat